أغلب تصفح للأخبار عبر

الإستفتاءات السابقة

 

 

الاعلان رقم 3
الاعلان رقم 4
الاعلان رقم 5

ابراج اليوم - حظك اليوم السبت 9 سبتمبر 2017 مع عبدالله أحمد..الثور..غسيل المواعين رياضة

 

 

أنت الان تشاهد خبر - ابراج اليوم - حظك اليوم السبت 9 سبتمبر 2017 مع عبدالله أحمد..الثور..غسيل المواعين رياضة
فى موقع - أخبار الافق نيوز
بتاريخ - السبت 9 سبتمبر 2017 05:38 مساءً

دوت مصر الأفق نيوز - رئيس التحرير التنفيذي: هاني رفعت مدير التحرير: عبد الله أحمد 10 Sites

حظك اليوم وتوقعات الأبراج اليوم معانا كل يوم على دوت مصر كل يوم..وخد بالك حظك اليوم هزار من الحياة.. مش أكتر.. ومحدش يملك معلومات كافية ولا بصيرة كافية ولا علم كافي عشان يقولك هتبقى النهاردة كويس أو لأ.. دة دايما متوقف على اختيارك وعلى مزاجك ومودك وظروفك لوحدك.

*******************

: كلام جد

الستات حلوين طبعا ومفيش بنت وحشة..عشان كدة هيبقوا اول حاجة الغزاة الفضائيين هيقفشوها ياكلوها.

عشان تعرف حظك بشكل كامل .. صفي نيتك ودوس على اسم برجك بإيدك اليمين.

برج الحمل دوت مصر

برج الحمل دوت مصر

إعرف حظك اليوم برج الحمل السبت 9 سبتمبر 2017 مع عبدالله أحمد..

الحمل: من 21 مارس إلى 20 ابريل

برج الحمل عاطفياً ( الكراش والإكس والبوي فريند والجيرل فريند والجوز والزوجة والقرايب ):

في حد عمال يتنطط حواليك عشان يلفت انتباهك بقاله فترة وانتا مطنشه..النهاردة يوم مناسب تديله فرصة بدافع الزهق مش اكتر..جايز تتسلى وجايز تنبسط..مسيرنا نعرف..عادي على فكرة..الزهق دافع كافي للإنبساط

برج الحمل عملياً ( الشغل والمذاكرة والتخطيط لبكرة ):

محتاج تخطط كويس للاسبوع اللي جاي هتعمل فيه ايه بشكل واضح..متعتمدش على الصدفة دايما مهما كان الحظ ف صالحك النهاردة

برج الحمل صحياً ( نفسيا وجسمانيا وكل مايخص طاسة المزاج ):

طالما حاسس انك تعبان يبقى تروح تكشف وتهتم.. اما لو حاسس انك كويس يبقى تستغل الموضوع دة وتخرج بدل قعدتك دي

إعرف توافق برج الحمل مع باقي الأبراج النهاردة

متوافق مع الابراج النارية والمائية والبرمائية

*****************************************************************************

برج الثور دوت مصر

برج الثور دوت مصر

إعرف حظك اليوم برج الثور السبت 9 سبتمبر 2017 مع عبدالله أحمد..

الثور : من 21 ابريل إلى 20 مايو

برج الثور عاطفياً ( الكراش والإكس والبوي فريند والجيرل فريند والجوز والزوجة والقرايب ):

حاول متبقاش النهاردة بتاع مصلحتك اوي وبشكل علني فج يامعلم..بلاش

برج الثور عملياً ( الشغل والمذاكرة والتخطيط لبكرة ):

ركز ف احلامك مش ف احلام الاخرين..ركز ف انك تنجح وبروقان من غير حروب او منافسات مستهلكة للطاقة بدون داعي

برج الثور صحياً ( نفسيا وجسمانيا وكل مايخص طاسة المزاج ):

غسيل المواعين والتنضيف والترويق رياضة على فكرة وقاتل للتوتر والنكد..كمان تقدر بعد نشاط متعب زي دة تكافئ نفسك بقلب جامد

إعرف توافق برج الثور مع باقي الأبراج النهاردة:

متوافق مع الابراج البرمائية والغازية

*****************************************************************************

برج الجوزاء دوت مصر

برج الجوزاء دوت مصر

إعرف حظك اليوم برج الجوزاء السبت 9 سبتمبر 2017 مع عبدالله أحمد..

الجوزاء: من 21 مايو إلى 20 يونيو

برج الجوزاء عاطفياً ( الكراش والإكس والبوي فريند والجيرل فريند والجوز والزوجة والقرايب ):

متفكرش كتير ف الحب..كفاية هو بيفكر فيك

برج الجوزاء عملياً ( الشغل والمذاكرة والتخطيط لبكرة ):

اليوم ملائم للمشاريع والتخطيط والاستثمار المادي..واضح انك معاك كاشات محيراك باين ولا حاجة ومحتار تصرفها ف ايه ولا ايه

برج الجوزاء صحياً ( نفسيا وجسمانيا وكل مايخص طاسة المزاج ):

بر نفسك ودلعها ف بيتزا ولا ايس كريم ولا باكو بسكوت وسقيه ف شاي

تعرف على توافق برج الجوزاء مع باقي الأبراج النهاردة:

متوافق مع الابراج الهوائية والدخانية

*****************************************************************************

برج السرطان دوت مصر

برج السرطان دوت مصر

إعرف حظك اليوم برج السرطان السبت 9 سبتمبر 2017 مع عبدالله أحمد..

السرطان: من 21 يونيو إلى 20 يوليو

برج السرطان عاطفياً ( الكراش والإكس والبوي فريند والجيرل فريند والجوز والزوجة والقرايب ):

مهم تقعد مع نفسك وتقيم الفترة اللي فاتت كويس ف حياتك..هل كانت مثمرة ومفيدة فعلا ولا انتا بتشتغل نفسك..خسرت ناس ولا كسبت حبهم واحترامهم

برج السرطان عملياً ( الشغل والمذاكرة والتخطيط لبكرة ):

مصداقيتك ف خطر..خد بالك

برج السرطان صحياً ( نفسيا وجسمانيا وكل مايخص طاسة المزاج ):

ليه بترازي نفسك..حاسس انك اذكى من اللي حواليك مثلا ولا ايه..عموما قشطة..مترجعش تشتكي من الوحدة يابرنس

تعرف على توافق برج السرطان مع باقي الأبراج النهاردة:

متوافق مع الابراج اللي عاوزة منك مصلحة ع الطاير وبس

*****************************************************************************

برج الأسد دوت مصر

برج الأسد دوت مصر

إعرف حظك اليوم برج الأسد السبت 9 سبتمبر 2017 مع عبدالله أحمد..

الأسد: من 21 يوليو إلى 20 اغسطس

برج الأسد عاطفياً ( الكراش والإكس والبوي فريند والجيرل فريند والجوز والزوجة والقرايب ):

كل حاجة هتمشي النهاردة زي السكينة الحامية ف الزبدة الفلاحي لو ابتديت اليوم كويس

برج الأسد عملياً ( الشغل والمذاكرة والتخطيط لبكرة ):

حاول تفضي دماغك وتكشكش النكد على وشه ف اول ساعة ف اليوم اول ما تصحى قبل ماتفطر وتشرب شايك

برج الأسد صحياً ( نفسيا وجسمانيا وكل مايخص طاسة المزاج ):

مهم تحتفل النهاردة..إكسر قلة النكد وإتحداه..إتلكك على اي حاجة وإفرح..مش العكس

تعرف على توافق برج الأسد مع باقي الأبراج النهاردة:

متوافق مع الابراج اللي بتعرف تحتفل على اتفه سبب

*****************************************************************************

برج العذراء دوت مصر

برج العذراء دوت مصر

إعرف حظك اليوم برج العذراء السبت 9 سبتمبر 2017 مع عبدالله أحمد..

العذراء: من 21 اغسطس إلى 20 سبتمبر

برج العذراء عاطفياً ( الكراش والإكس والبوي فريند والجيرل فريند والجوز والزوجة والقرايب ):

لو مش مبسوط ومتناغم مع محيطك يبقى هتحتاج تغيره ومن سكات..تشوف بيئة تانية ومحيط تاني يناسبك اكتر

برج العذراء عملياً ( الشغل والمذاكرة والتخطيط لبكرة ):

مش من الظريف انك تطلب اهتمام وتقدير من اي حد..مالوش معنى بالنسبالك طالما إضطريت تطلبه اصلا..

برج العذراء صحياً ( نفسيا وجسمانيا وكل مايخص طاسة المزاج ):

مهم تبقى ف مكان تحس فيه انك خفيف على قلوب الناس مش العكس..مهم تاخد وضعك والأهم تتقدر بدون ماتطلب

تعرف على توافق برج العذراء مع باقي الأبراج النهاردة:

متوافق مع الابراج المائية والدخانية

*****************************************************************************

برج الميزان دوت مصر

برج الميزان دوت مصر

إعرف حظك اليوم برج الميزان السبت 9 سبتمبر 2017 مع عبدالله أحمد..

الميزان : من 21 سبتمبر إلى 20 اكتوبر

برج الميزان عاطفياً ( الكراش والإكس والبوي فريند والجيرل فريند والجوز والزوجة والقرايب ):

حس الناس وتعاطف معاهم زي مانتا عاوز محدش قال حاجة..بس متفتريش على نفسك ف الاحساس دة بزيادة..

برج الميزان عملياً ( الشغل والمذاكرة والتخطيط لبكرة ):

متحطش نفسك مكان حد ف خيالك..ف الاخر كل واحد له حياته ومالي مكانه اساسا بالعافية

برج الميزان صحياً ( نفسيا وجسمانيا وكل مايخص طاسة المزاج ):

في ناس مش فالحة غير ف الشكوى والنكد..مالك ومالهم دول..خليك ف حالك وشوف هتخرج فين النهاردة وبس

تعرف على توافق برج الميزان مع باقي الأبراج النهاردة:

متوافق مع الابراج الغازية والهوائية

*****************************************************************************

برج العقرب دوت مصر

برج العقرب دوت مصر

إعرف حظك اليوم برج العقرب السبت 9 سبتمبر 2017 مع عبدالله أحمد..

العقرب: من 21 اكتوبر إلى 20 نوفمبر

برج العقرب عاطفياً ( الكراش والإكس والبوي فريند والجيرل فريند والجوز والزوجة والقرايب ):

المود النهاردة كله لعب وفنفنة ودي حاجة كويسة جدا وأهي فرصة حلوة تخرج من المود النكد اللي كنت بتسقي فيه امبارح بالليل ف السر

برج العقرب عملياً ( الشغل والمذاكرة والتخطيط لبكرة ):

مهم تاخد بالك ان في استفزاز ف الاجواء العملية اليومين دول بالنسبالك..حاول تتجاهله وتركز ف اهدافك ومصلحتك وبس..مش لازم ترد كل كلمة بكلمتها..انتا مش بتتخانق وتردح ف حارة يابرنس..

برج العقرب صحياً ( نفسيا وجسمانيا وكل مايخص طاسة المزاج ):

متلعبش بحد..اللعب بالناس تصرف فعلا خطر..خد بالك من فضلك ومتلعبش بحد..ذكائك مش هينفعك ولا دهاءك هيكمل معاك

تعرف على توافق برج العقرب مع باقي الأبراج النهاردة:

متوافق مع الابراج الغازية والنارية والدخانية

*****************************************************************************

برج القوس دوت مصر

برج القوس دوت مصر

إعرف حظك اليوم برج القوس السبت 9 سبتمبر 2017 مع عبدالله أحمد..

القوس: من 21 نوفمبر إلى 20 ديسمبر

برج القوس عاطفياً ( الكراش والإكس والبوي فريند والجيرل فريند والجوز والزوجة والقرايب ):

في عكوسات ف الهوا النهاردة خد بالك..وفي حسد لا يقهره الا الحب يابرج القوس

برج القوس عملياً ( الشغل والمذاكرة والتخطيط لبكرة ):

اليوم مناسب للحب وبس..شوف هتتصرف ازاي وتستغل اليوم دة كويس..

برج القوس صحياً ( نفسيا وجسمانيا وكل مايخص طاسة المزاج ):

حاول متطنش موضوع الحب اللي فوق دة عشان متزعلش وتجيب ناس تزعل معاك

تعرف على توافق برج القوس مع باقي الأبراج النهاردة:

متوافق مع الابراج الهوائية والمائية

*****************************************************************************

برج الجدي دوت مصر

برج الجدي دوت مصر

إعرف حظك اليوم برج الجدي السبت 9 سبتمبر 2017 مع عبدالله أحمد..

الجدى: من 21 ديسمبر إلى 20 يناير

برج الجدي عاطفياً ( الكراش والإكس والبوي فريند والجيرل فريند والجوز والزوجة والقرايب ):

القلب داخل على مرحلة إيجابية كويسة اتمنى تستفيد منها النهاردة بشكل كويس

برج الجدي عملياً ( الشغل والمذاكرة والتخطيط لبكرة ):

الفلوس لسة عاملة معاك مشكلة..اللي جاي اقل من اللي رايح والعملية ف النملية خالص..متقلقش..هتتعدل قريب خصوصا لو قعدت وحددت فعلا انتا محتاج ايه..مش نفسك ف ايه

برج الجدي صحياً ( نفسيا وجسمانيا وكل مايخص طاسة المزاج ):

خد بالك من جيوبك الانفية زي مابتاخد بالك من جيوب بنطلونك بالظبط عشان الجو فيه تراب رفيع خالص ممكن يضايقك..اعتمد على المية الدافةي مع حبة ملح ف الاستنشاق والتنضيف مرة ف اليوم وانتا تعرف تنام مستريح ان شاء الله..وحاول تاكل اي حاجة حلوة مفيدة بالليل

تعرف على توافق برج الجدي مع باقي الأبراج النهاردة:

متوافق مع الابراج الترابية والنارية

*****************************************************************************

برج الدلو دوت مصر

برج الدلو دوت مصر

إعرف حظك اليوم برج الدلو السبت 9 سبتمبر 2017 مع عبدالله أحمد..

الدلو: من 21 يناير إلى 20 فبراير

برج الدلو عاطفياً ( الكراش والإكس والبوي فريند والجيرل فريند والجوز والزوجة والقرايب ):

النهاردة هتتمتع بسلام داخلي نادر..حاول تحافظ عليه ومتخليش حد غلس ورزل يفسده عليك

برج الدلو عملياً ( الشغل والمذاكرة والتخطيط لبكرة ):

هتحس انك محتاج تكن ف البيت حبة..بس دي مش حجة عشان تنعزل وتتقوقع خالص

برج الدلو صحياً ( نفسيا وجسمانيا وكل مايخص طاسة المزاج ):

مهم تتمشى بالليل حبة قبل ماتنام ولو عشر دقايق..مهم تشم هوا وتصفى دماغك ومتفكرش ف اي حاجة ف الوقت دة

تعرف على توافق برج الدلو مع باقي الأبراج النهاردة:

متوافق مع الابراج المائية والبرمائية

*****************************************************************************

برج الحوت دوت مصر

برج الحوت دوت مصر

إعرف حظك اليوم برج الحوت السبت 9 سبتمبر 2017 مع عبدالله أحمد..

الحوت: من 21 فبراير إلى 20 مارس

برج الحوت عاطفياً ( الكراش والإكس والبوي فريند والجيرل فريند والجوز والزوجة والقرايب ):

انتا صح وإحساسك ف محله..انتا بتظلم ناس كتير من غير ماتاخد بالك فعلا

برج الحوت عملياً ( الشغل والمذاكرة والتخطيط لبكرة ):

متعكش الدنيا على نفسك لمجرد انك زهقان او حاسس بالذنب..بلاش

برج الحوت صحياً ( نفسيا وجسمانيا وكل مايخص طاسة المزاج ):

رغبتك ف التطهر من الذنوب والمساوئ باين اوي انها fake وبلاستك..اهمد وشوف حاجة اعملها بدل ما ترازي ف نفسك عند الناس

تعرف على توافق برج الحوت مع باقي الأبراج النهاردة:

متوافق مع الابراج الهوائية والنارية

*****************************************************************************

حظك اليوم ممكن يكون موجود وممكن ميكونش موجود..القرار قرارك لوحدك ف حياتك وبس..بس لو اخترنا نشوفه وندور عليه كويس وبإهتمام هنشوف تأثيره في حياتنا طول الوقت ومنقدرش ننكره.. بنشوف ناس مبسوطة وناس لأ.. بنقول على المبسوط حظه حلو وبنتمنى نبقى حظنا من حظه ونبقى مبسوطين زيه وبنتمنى نملك الانبساط دا ونتحكم فيه .. ونستدعيه كمان وقت اللزوم زي جني المصباح..زي الأحلام.. وزي الأماني والخيالات الحلوة.. وقت الضيقة والخنقة والمشاكل والاحتياج اليومي للأمل ف بكرة أفضل وأروق وأجمل وألوانه أحلى..بنتمنى يكون في منطق واسباب للسعادة ممكن تتحط وتتكثف ف كلام بسيط وقريب..

ومن هنا بقى في توقعات حظك اليوم بالاعتماد على حركة الكواكب ومواقع النجوم وعلم الفلك.. محدش ينكر إن كوكب الأرض كله واقع تحت تأثير حركة الكواكب المحيطة وخصوصاً القمر.

ولولا تأثيره مكانش بقى في حركة مد وجزر ومكانش الإنسان عرف يسافر بمراكب في البحر.. ولا كان الإنسان اتحرك من بلد لبلد برضه ف البر لو مكانش في مواقع للنجوم مميزة ف السما يقدر يعتمد عليها..

إفتكر الكلام دا وانت بتقرا حظك اليوم النهاردة وبكرة وكل يوم ياريت ..

وتأكد إنك سواء عجبك الكلام المكتوب هنا في برجك أو لأ فانت تقدر تصنع حظك اليوم بإيديك سواء اليوم أو كل يوم..

الكلام المكتوب هنا دايما الغرض منه الفرفشة والدلع والمزاج الرايق بعلامات حلوة من الحياة محطوطة ف كلام وحبة مزيكا على مزاجك..

تابعنا يومياً عشان تعرف حظك اليوم كل يوم ومتنساش.. كل دة مجرد هزار برئ ياريت متاخدوش على صدرك..

تحياتنا الدائمة.

اعلان حظك اليوم دوت مصر

اعلان حظك اليوم دوت مصر

بلاي ليست دوت بالبلدي

بلاي ليست دوت بالبلدي

جميع حقوق النشر محفوظة لدى شركة دوت مصر ويحظر نشر أو توزيع أو طبع أي مادة دون إذن مسبق من الشركة

شكراً لك على زيارتنا لمشاهدة موضوع ابراج اليوم - حظك اليوم السبت 9 سبتمبر 2017 مع عبدالله أحمد..الثور..غسيل المواعين رياضة ونتمني ان نكون قد أوفينا في تقديم الخدمة ونود ان نوضحك لك أن خبر "ابراج اليوم - حظك اليوم السبت 9 سبتمبر 2017 مع عبدالله أحمد..الثور..غسيل المواعين رياضة" ليس لنا أدني مسؤلية علية ويمكنك ان تقوم بقرائة الخبر من موقعه الاصلي من موقع دوت مصر و سمكنك ان تقوم بمتابعة أخر و أحدث الاخبار عبر موقعنا الافق نيوز دائماً من خلال زيارة الرابط " http://www.alufuqnews.com " او من خلال كتابة " الافق نيوز " فى جوجل وسيتم تحويلك الى موقعنا فوراً ان شاء الله .

 

 

اشترك فى النشرة البريدية لتحصل على اهم الاخبار بمجرد نشرها

تابعنا على مواقع التواصل الاجتماعى

 

اعلانات المحتوي

 

السابق ابراج اليوم - بلاي ليست.. الحب تاتو ف القلب
التالى ابراج اليوم - QUIZ ماذا تعرف عن الأرجنتيني هيكتور كوبر