أغلب تصفح للأخبار عبر

الإستفتاءات السابقة

 

 

الاعلان رقم 3
الاعلان رقم 4
الاعلان رقم 5

ابراج اليوم - حظك اليوم الثلاثاء 19 سبتمبر 2017 مع عبدالله أحمد..الحوت..إحترس من الذئاب

 

 

أنت الان تشاهد خبر - ابراج اليوم - حظك اليوم الثلاثاء 19 سبتمبر 2017 مع عبدالله أحمد..الحوت..إحترس من الذئاب
فى موقع - أخبار الافق نيوز
بتاريخ - الثلاثاء 19 سبتمبر 2017 04:35 صباحاً

دوت مصر الأفق نيوز - رئيس التحرير التنفيذي: هاني رفعت مدير التحرير: عبد الله أحمد 10 Sites

حظك اليوم وتوقعات الأبراج اليوم معانا كل يوم على دوت مصر كل يوم..وخد بالك حظك اليوم هزار من الحياة.. مش أكتر.. ومحدش يملك معلومات كافية ولا بصيرة كافية ولا علم كافي عشان يقولك هتبقى النهاردة كويس أو لأ.. دة دايما متوقف على اختيارك وعلى مزاجك ومودك وظروفك لوحدك.

*******************

: كلام جد

حيطة مكتوب عليها "لا تعاديني ولا أعاديك.. ولا ترازيني ولا أرازيك..ومفيش ف ميدل بوازيك"

عشان تعرف حظك بشكل كامل .. صفي نيتك ودوس على اسم برجك بإيدك اليمين.

برج الحمل دوت مصر

برج الحمل دوت مصر

إعرف حظك اليوم برج الحمل الثلاثاء 19 سبتمبر 2017 مع عبدالله أحمد..

الحمل: من 21 مارس إلى 20 ابريل

برج الحمل عاطفياً ( الكراش والإكس والبوي فريند والجيرل فريند والجوز والزوجة والقرايب ):

حاول متعلقش تعليقات لاذعة على كل حاجة هتشوفها او تسمعها النهاردة من الناس اللي حواليك خصوصا اللي بتحبهم عشان الهزار بيضايق وبيربي بذرة سوء تفاهم لو كبرت لشجرة مفرعة هتطرح كره وخلافات وانتا مبتحبش حد يتضايق منك..ف متتريقش على حد

برج الحمل عملياً ( الشغل والمذاكرة والتخطيط لبكرة ):

دخلة المدارس والجامعات مخلية الدنيا زحمة وانتا مبتحبش الزحمة..حاول تنقي الاوقات اللي هتنزل فيها عشان متتبهدلش ف المواصلات وتضيع ف وقتك بدون داعي

برج الحمل صحياً ( نفسيا وجسمانيا وكل مايخص طاسة المزاج ):

النفسية محتاجة ايس كريم كتير وأغاني قديمة حبة

إعرف توافق برج الحمل مع باقي الأبراج النهاردة

متوافق مع الابراج الترابية والهوائية والسنجابية

*****************************************************************************

برج الثور دوت مصر

برج الثور دوت مصر

إعرف حظك اليوم برج الثور الثلاثاء 19 سبتمبر 2017 مع عبدالله أحمد..

الثور : من 21 ابريل إلى 20 مايو

برج الثور عاطفياً ( الكراش والإكس والبوي فريند والجيرل فريند والجوز والزوجة والقرايب ):

اليوم مناسب للخروج مع اللي بتحبه..تتغدوا او تتعشوا برد براحتكوا مش هتفرق..المهم تنبسطوا

برج الثور عملياً ( الشغل والمذاكرة والتخطيط لبكرة ):

حاول متخشش ف جدال ينتج عنه خناق..انتوا خارجين تنبسطوا مش خارجين تخسروا بعض لمجرد ان كل واحد فيكم عاوز يثبت لنفسه ولغيره انه صح وخلاص

برج الثور صحياً ( نفسيا وجسمانيا وكل مايخص طاسة المزاج ):

خليك ذكي كعادتك يابرج الثور وبلاش عند..كمان انتا محتاج تسقي جسمك ف البانيو النهاردة حبة..ولو مفيش حد تخرج معاه يبقى تعتبر الكلام اللي فات دة كله لنفسك..ف حاول متتخانقش مع نفسك لو خرجتوا سوا الليلة

إعرف توافق برج الثور مع باقي الأبراج النهاردة:

متوافق مع الابراج الكتكوتية (الكتوكتة ف نفسها زيك كدة النهاردة).

*****************************************************************************

برج الجوزاء دوت مصر

برج الجوزاء دوت مصر

إعرف حظك اليوم برج الجوزاء الثلاثاء 19 سبتمبر 2017 مع عبدالله أحمد..

الجوزاء: من 21 مايو إلى 20 يونيو

برج الجوزاء عاطفياً ( الكراش والإكس والبوي فريند والجيرل فريند والجوز والزوجة والقرايب ):

متحكمش على حد بسرعة..إدي الناس فرصة حبة تبانلك بوضوح..خد وقتك ومتتسربعش..

برج الجوزاء عملياً ( الشغل والمذاكرة والتخطيط لبكرة ):

اليوم النهاردة مناسب للمذاكرة والإطلاع والقراية وتطوير مهاراتك السمعية والبصرية والفنية..

برج الجوزاء صحياً ( نفسيا وجسمانيا وكل مايخص طاسة المزاج ):

نفسيتك محتاجة طاجن او صينية ما متدلعة ومعمولة بمزاج تغرق فيها احزانك وافكارك السلبية المستحية..مهم بعد الأكل متنامش علاطول وتقعد تسجل ف خواطرك عن الحياة مهما كانت الخواطر دي بسيطة او مش مهمة بالنسبالك..متنساش تعمل كدة.

تعرف على توافق برج الجوزاء مع باقي الأبراج النهاردة:

متوافق مع الابراج النارية والهوائية والسنجابية

*****************************************************************************

برج السرطان دوت مصر

برج السرطان دوت مصر

إعرف حظك اليوم برج السرطان الثلاثاء 19 سبتمبر 2017 مع عبدالله أحمد..

السرطان: من 21 يونيو إلى 20 يوليو

برج السرطان عاطفياً ( الكراش والإكس والبوي فريند والجيرل فريند والجوز والزوجة والقرايب ):

عبّر عن مشاعرك بصراحة النهاردة ومتخافش او تقلق من انك تتصد او يترد عليك رد مش لطيف..خليك شجاع..ثم هتلبس ف حيطة النهاردة بكرة تبقى براح بعد ما كسرت الحيطة بشجاعتك

برج السرطان عملياً ( الشغل والمذاكرة والتخطيط لبكرة ):

متعبرش عن مشاعرك ف اي حتة مشمسة او تحت انوار النيون..بلاش عشان فال مش حلو

برج السرطان صحياً ( نفسيا وجسمانيا وكل مايخص طاسة المزاج ):

سندوتشات ومخللات وخيار وقوطة وبس..بلاش طبيخ النهاردة او اكل شارع خالص

تعرف على توافق برج السرطان مع باقي الأبراج النهاردة:

متوافق مع الابراج الهوائية والسحلابية

*****************************************************************************

برج الأسد دوت مصر

برج الأسد دوت مصر

إعرف حظك اليوم برج الأسد الثلاثاء 19 سبتمبر 2017 مع عبدالله أحمد..

الأسد: من 21 يوليو إلى 20 اغسطس

برج الأسد عاطفياً ( الكراش والإكس والبوي فريند والجيرل فريند والجوز والزوجة والقرايب ):

طموحك بيعذبك..سواء عاطفيا وا مهنيا او دراسيا..مش قادر تقبل غير بالمراكز الاولى ف كل حاجة..قشطة..بس انتا كدة هتدخل قلبك ف سباق اخرته سودة

برج الأسد عملياً ( الشغل والمذاكرة والتخطيط لبكرة ):

الطموح حلو مفيش كلام..بس راعي انه ميتحولش لنزناز وآكلانة تاكل ف خلايا مخك وتفسد عليك استمتاعك بالحاجات البسيطة ف الحياة

برج الأسد صحياً ( نفسيا وجسمانيا وكل مايخص طاسة المزاج ):

حاول متتخانقش النهاردة مع حد عشان هتزعل لو حصل جامد

تعرف على توافق برج الأسد مع باقي الأبراج النهاردة:

متوافق مع الابراج الترابية

*****************************************************************************

برج العذراء دوت مصر

برج العذراء دوت مصر

إعرف حظك اليوم برج العذراء الثلاثاء 19 سبتمبر 2017 مع عبدالله أحمد..

العذراء: من 21 اغسطس إلى 20 سبتمبر

برج العذراء عاطفياً ( الكراش والإكس والبوي فريند والجيرل فريند والجوز والزوجة والقرايب ):

طول مانتا بتضحك ف وش الآحزان هتنبسط كمان وكمان.. النهاردة اليوم حلو ومناسب للرغي ف التليفون نصاية ف الدرا كدة مع حد بتحبه..اهم حاجة التفاؤل بشكل عام يبان ف كلامك..متعكسش اي مشاعر سلبية على حد بتحبه..بلاش

برج العذراء عملياً ( الشغل والمذاكرة والتخطيط لبكرة ):

نقي النهاردة النشاط الذكي اللي توظف فيه مجهودك فيما يستحق وبس..خليك بس منفتح على كل جديد ومتخافش..

برج العذراء صحياً ( نفسيا وجسمانيا وكل مايخص طاسة المزاج ):

مسيرها تروق وتحلى يابرنس ويبقى مزاجك أحلى وأحلى..خلي بالك بس من الكلاب

تعرف على توافق برج العذراء مع باقي الأبراج النهاردة:

متوافق مع الابراج المائية والبرمائية

*****************************************************************************

برج الميزان دوت مصر

برج الميزان دوت مصر

إعرف حظك اليوم برج الميزان الثلاثاء 19 سبتمبر 2017 مع عبدالله أحمد..

الميزان : من 21 سبتمبر إلى 20 اكتوبر

برج الميزان عاطفياً ( الكراش والإكس والبوي فريند والجيرل فريند والجوز والزوجة والقرايب ):

النهاردة يابرج الميزان مهم تاخد بريك وتفرفش فيه جدا جدا.. تخلص اللي وراك اياً كان وتنطلق إلي الفرفشة وبس.. وأهم حاجة تعمل خير النهاردة يامعلم..

برج الميزان عملياً ( الشغل والمذاكرة والتخطيط لبكرة ):

والأهم انك تعمله ف اللي يستاهله ويحتاجه فعلا ويفرق معاه ف حياته.. مش ف برستيجك.. وداري على إنبساطك إحتياطي عشان متتحسدش..

برج الميزان صحياً ( نفسيا وجسمانيا وكل مايخص طاسة المزاج ):

إشرب قصب ف شوب كبير على بوء واحد.

تعرف على توافق برج الميزان مع باقي الأبراج النهاردة:

متوافق مع الابراج الهوائية والنارية والبرمائية

*****************************************************************************

برج العقرب دوت مصر

برج العقرب دوت مصر

إعرف حظك اليوم برج العقرب الثلاثاء 19 سبتمبر 2017 مع عبدالله أحمد..

العقرب: من 21 اكتوبر إلى 20 نوفمبر

برج العقرب عاطفياً ( الكراش والإكس والبوي فريند والجيرل فريند والجوز والزوجة والقرايب ):

اللون الأصفر غالب على نفسيتك..جواك قلق مكتوم من شيئ ما غامض..جايز مش حاسس بأمان كافي ف شغلك او ف حبك او مابينك وبين نفسك..

برج العقرب عملياً ( الشغل والمذاكرة والتخطيط لبكرة ):

متفكرش ف دة كتير يا برج العقرب..ممنوش فايدة وإنتا أكيد ذكي وعارف.. الطرمخة علي الوجع والقلق صعبة النهاردة حبة..

برج العقرب صحياً ( نفسيا وجسمانيا وكل مايخص طاسة المزاج ):

إدفن أحزانك ف صواني الأكل..مش عيب..مش عيب ابدا.

تعرف على توافق برج العقرب مع باقي الأبراج النهاردة:

متوافق مع الابراج الدخانية وإحذر من الابراج الهوائية اليومين دول جامد..مترازيش حد منه خالص..إوعى

*****************************************************************************

برج القوس دوت مصر

برج القوس دوت مصر

إعرف حظك اليوم برج القوس الثلاثاء 19 سبتمبر 2017 مع عبدالله أحمد..

القوس: من 21 نوفمبر إلى 20 ديسمبر

برج القوس عاطفياً ( الكراش والإكس والبوي فريند والجيرل فريند والجوز والزوجة والقرايب ):

نفسك تهزر وتنبسط بس مش عارف يابرج القوس.. دة طبيعي بس من جواك حاسس بالذنب تجاه الانبساط ف الوقت دة..قشطة معاك حق أكيد بس افتكر ان الكوكب بيلف والليل بيختفي وبييجي مكانه نهار بيزحف وبيفرض نفسه بنوره وبيملى السما كلها..ف مش معنى انك النهاردة مش مبسوط انك تعتبر دي حالة عامة ومستمرة..ابدا..في انبساط جامد فحت جاي ف اتجاهك..ركز بس وصفي نيتك عشان لما ييجي تعرف تستقبله كويس وبمزاج ونفسية مستعدة للرقص مش مجرد الفرح وخلاص..

برج القوس عملياً ( الشغل والمذاكرة والتخطيط لبكرة ):

الايام بتعدي..كله بيعدي اساسا..بياخد وقته ويعدي

برج القوس صحياً ( نفسيا وجسمانيا وكل مايخص طاسة المزاج ):

النفسية محتاجة لحمة راس

تعرف على توافق برج القوس مع باقي الأبراج النهاردة:

متوافق مع الابراج الترابية والنارية

*****************************************************************************

برج الجدي دوت مصر

برج الجدي دوت مصر

إعرف حظك اليوم برج الجدي الثلاثاء 19 سبتمبر 2017 مع عبدالله أحمد..

الجدى: من 21 ديسمبر إلى 20 يناير

برج الجدي عاطفياً ( الكراش والإكس والبوي فريند والجيرل فريند والجوز والزوجة والقرايب ):

حاول تبقى هادي النهاردة يابرج الجدي وياريت تحاول متستسلمش للغرق ف بحر العواطف ذو الامواج المتصارعة الجياشة اللي جواك..ياريت يعني..

برج الجدي عملياً ( الشغل والمذاكرة والتخطيط لبكرة ):

خليك عاقل واليوم هيعدي ان شاء الله.. خيالك مملكتك النهاردة.. من حقك تهرب فيه براحة راحتك.. انشالله تعمله شوربة وتسقي فيها.. محدش له عندك حاجة..

برج الجدي صحياً ( نفسيا وجسمانيا وكل مايخص طاسة المزاج ):

ومتنساش تدلع نفسك ف فسحة بالليل.. تاكل وتغير مناظر وتشم هوا وتفك شوية كدة وترحرح وتنبسط.. اتمنالك دة.

تعرف على توافق برج الجدي مع باقي الأبراج النهاردة:

متوافق مع الأبراج الهوائية والمائية

*****************************************************************************

برج الدلو دوت مصر

برج الدلو دوت مصر

إعرف حظك اليوم برج الدلو الثلاثاء 19 سبتمبر 2017 مع عبدالله أحمد..

الدلو: من 21 يناير إلى 20 فبراير

برج الدلو عاطفياً ( الكراش والإكس والبوي فريند والجيرل فريند والجوز والزوجة والقرايب ):

على وضعك يامعلم..كل شيء أندر كنترول ودة المهم النهاردة

برج الدلو عملياً ( الشغل والمذاكرة والتخطيط لبكرة ):

ثق ف نفسك وبطل تبكيت فيها خالص مالص ياعم الحاج .. مش معنى ان في حاجات بتحصل حواليك مش مفهومة انك تلوم نفسك..إنتا اوعى من كدة ثم انتا مش مسئول عن غباء العالم

برج الدلو صحياً ( نفسيا وجسمانيا وكل مايخص طاسة المزاج ):

كل واحد له إختياراته وطريقته..انتا مش شبه حد..خليك كوول زي مانتا وكمل فرفشة وإنبساط لأن الليلة مناسبة جدا للإحتفال..ف ياريت تعمل بارتي كدة صغنتتة وتزقطط.. حقك وربنا

تعرف على توافق برج الدلو مع باقي الأبراج النهاردة:

متوافق مع الابراج اللي بتعرف تفرح وتزقطط وبس

*****************************************************************************

برج الحوت دوت مصر

برج الحوت دوت مصر

إعرف حظك اليوم برج الحوت الثلاثاء 19 سبتمبر 2017 مع عبدالله أحمد..

الحوت: من 21 فبراير إلى 20 مارس

برج الحوت عاطفياً ( الكراش والإكس والبوي فريند والجيرل فريند والجوز والزوجة والقرايب ):

اليوم النهاردة يابرج الحوت مليان حاجات حلوة..

برج الحوت عملياً ( الشغل والمذاكرة والتخطيط لبكرة ):

في فلوس جاية تزحف ف السكة غالبا وفي حد انتا كنت نسيته هيظهرلك من الماضي السحيق..

برج الحوت صحياً ( نفسيا وجسمانيا وكل مايخص طاسة المزاج ):

مهم تاكل كويس وتنام الضهر حبة صغنتتين عشان هتحلم حلم حلو هيفرفش نفسيتك جدا جدا..خلي بالك من اي حد حواليك تحس انه نفسيا لابس فرة الحمل وهو ذئب من جواه..عموما متخافش ومتقلقش انتا مبيفرقش معاك ذئاب من كلاب ثم ذئب دة على نفسه وبس ياعم الحاج..إنبسط بيومك على قد ماتقدر قبل النكد اللي جاي

تعرف على توافق برج الحوت مع باقي الأبراج النهاردة:

متوافق مع الابراج اللي مبتحبش الذئاب

*****************************************************************************

حظك اليوم ممكن يكون موجود وممكن ميكونش موجود..القرار قرارك لوحدك ف حياتك وبس..بس لو اخترنا نشوفه وندور عليه كويس وبإهتمام هنشوف تأثيره في حياتنا طول الوقت ومنقدرش ننكره.. بنشوف ناس مبسوطة وناس لأ.. بنقول على المبسوط حظه حلو وبنتمنى نبقى حظنا من حظه ونبقى مبسوطين زيه وبنتمنى نملك الانبساط دا ونتحكم فيه .. ونستدعيه كمان وقت اللزوم زي جني المصباح..زي الأحلام.. وزي الأماني والخيالات الحلوة.. وقت الضيقة والخنقة والمشاكل والاحتياج اليومي للأمل ف بكرة أفضل وأروق وأجمل وألوانه أحلى..بنتمنى يكون في منطق واسباب للسعادة ممكن تتحط وتتكثف ف كلام بسيط وقريب..

ومن هنا بقى في توقعات حظك اليوم بالاعتماد على حركة الكواكب ومواقع النجوم وعلم الفلك.. محدش ينكر إن كوكب الأرض كله واقع تحت تأثير حركة الكواكب المحيطة وخصوصاً القمر.

ولولا تأثيره مكانش بقى في حركة مد وجزر ومكانش الإنسان عرف يسافر بمراكب في البحر.. ولا كان الإنسان اتحرك من بلد لبلد برضه ف البر لو مكانش في مواقع للنجوم مميزة ف السما يقدر يعتمد عليها..

إفتكر الكلام دا وانت بتقرا حظك اليوم النهاردة وبكرة وكل يوم ياريت ..

وتأكد إنك سواء عجبك الكلام المكتوب هنا في برجك أو لأ فانت تقدر تصنع حظك اليوم بإيديك سواء اليوم أو كل يوم..

الكلام المكتوب هنا دايما الغرض منه الفرفشة والدلع والمزاج الرايق بعلامات حلوة من الحياة محطوطة ف كلام وحبة مزيكا على مزاجك..

تابعنا يومياً عشان تعرف حظك اليوم كل يوم ومتنساش.. كل دة مجرد هزار برئ ياريت متاخدوش على صدرك..

تحياتنا الدائمة.

اعلان حظك اليوم دوت مصر

اعلان حظك اليوم دوت مصر

بلاي ليست دوت بالبلدي

بلاي ليست دوت بالبلدي

جميع حقوق النشر محفوظة لدى شركة دوت مصر ويحظر نشر أو توزيع أو طبع أي مادة دون إذن مسبق من الشركة

شكراً لك على زيارتنا لمشاهدة موضوع ابراج اليوم - حظك اليوم الثلاثاء 19 سبتمبر 2017 مع عبدالله أحمد..الحوت..إحترس من الذئاب ونتمني ان نكون قد أوفينا في تقديم الخدمة ونود ان نوضحك لك أن خبر "ابراج اليوم - حظك اليوم الثلاثاء 19 سبتمبر 2017 مع عبدالله أحمد..الحوت..إحترس من الذئاب" ليس لنا أدني مسؤلية علية ويمكنك ان تقوم بقرائة الخبر من موقعه الاصلي من موقع دوت مصر و سمكنك ان تقوم بمتابعة أخر و أحدث الاخبار عبر موقعنا الافق نيوز دائماً من خلال زيارة الرابط " http://www.alufuqnews.com " او من خلال كتابة " الافق نيوز " فى جوجل وسيتم تحويلك الى موقعنا فوراً ان شاء الله .

 

 

اشترك فى النشرة البريدية لتحصل على اهم الاخبار بمجرد نشرها

تابعنا على مواقع التواصل الاجتماعى

 

اعلانات المحتوي

 

السابق ابراج اليوم - حظك اليوم برج السرطان 19/10/2017 على الصعيد المهنى العاطفى والصحى.. اضبط مواعيدك
التالى ابراج اليوم - حظك اليوم برج الحوت 19/10/2017 على الصعيد المهنى والعاطفى والصحى.. استثمر الذكاء والحكمة أفضل لحل المشاكل