أغلب تصفح للأخبار عبر

الإستفتاءات السابقة

 

 

الاعلان رقم 3
الاعلان رقم 4
الاعلان رقم 5

ابراج اليوم - حظك اليوم الثلاثاء 26 سبتمبر 2017 مع عبدالله أحمد..الأسد..أجازة

 

 

أنت الان تشاهد خبر - ابراج اليوم - حظك اليوم الثلاثاء 26 سبتمبر 2017 مع عبدالله أحمد..الأسد..أجازة
فى موقع - أخبار الافق نيوز
بتاريخ - الثلاثاء 26 سبتمبر 2017 04:35 صباحاً

دوت مصر الأفق نيوز - رئيس التحرير التنفيذي: هاني رفعت مدير التحرير: عبد الله أحمد 10 Sites

حظك اليوم وتوقعات الأبراج اليوم معانا كل يوم على دوت مصر كل يوم..وخد بالك حظك اليوم هزار من الحياة.. مش أكتر.. ومحدش يملك معلومات كافية ولا بصيرة كافية ولا علم كافي عشان يقولك هتبقى النهاردة كويس أو لأ.. دة دايما متوقف على اختيارك وعلى مزاجك ومودك وظروفك لوحدك.

*******************

: كلام جد

الحقد بيعض صاحبه ف نفسيته.

عشان تعرف حظك بشكل كامل .. صفي نيتك ودوس على اسم برجك بإيدك اليمين.

برج الحمل دوت مصر

برج الحمل دوت مصر

إعرف حظك اليوم برج الحمل الثلاثاء 26 سبتمبر 2017 مع عبدالله أحمد..

الحمل: من 21 مارس إلى 20 ابريل

برج الحمل عاطفياً ( الكراش والإكس والبوي فريند والجيرل فريند والجوز والزوجة والقرايب ):

كل شيئن انكشفن وبان

برج الحمل عملياً ( الشغل والمذاكرة والتخطيط لبكرة ):

خبي الشيكولاتة بتاعتك كويس ف التلاجة عشان في حد هيقلبها منك الليلة

برج الحمل صحياً ( نفسيا وجسمانيا وكل مايخص طاسة المزاج ):

كل الابراج عارفة انك انتا اللي بتقلب الشيكولاتة منهم من التلاجة وهما نايمين..طبيعي يردوهالك..دة بديهي يعني..

إعرف توافق برج الحمل مع باقي الأبراج النهاردة

متوافق مع الابراج اللي مبتعرفش تخبي الشيكولاتة بتاعتها ف التلاجة كويس

*****************************************************************************

برج الثور دوت مصر

برج الثور دوت مصر

إعرف حظك اليوم برج الثور الثلاثاء 26 سبتمبر 2017 مع عبدالله أحمد..

الثور : من 21 ابريل إلى 20 مايو

برج الثور عاطفياً ( الكراش والإكس والبوي فريند والجيرل فريند والجوز والزوجة والقرايب ):

تجنب الوحدة النهاردة على قد ماتقدر

برج الثور عملياً ( الشغل والمذاكرة والتخطيط لبكرة ):

تقدر تشغل نفسك بشغلك او مذاكرتك او ايا كان اللي وراك وبتعمله حتى لو هتضطر تخترع لنفسك مهام جديدة مفتكسة..مش عيب..المهم متقعدش لوحدك كتير..

برج الثور صحياً ( نفسيا وجسمانيا وكل مايخص طاسة المزاج ):

متلومش نفسك على كل غلطات الحياة..متعملش كدة من فضلك..

إعرف توافق برج الثور مع باقي الأبراج النهاردة:

متوافق مع الابراج اللي تونسك النهاردة وتفرفشك وتخرجك من المود اللي مش حلو اللي ماسك فيك

*****************************************************************************

برج الجوزاء دوت مصر

برج الجوزاء دوت مصر

إعرف حظك اليوم برج الجوزاء الثلاثاء 26 سبتمبر 2017 مع عبدالله أحمد..

الجوزاء: من 21 مايو إلى 20 يونيو

برج الجوزاء عاطفياً ( الكراش والإكس والبوي فريند والجيرل فريند والجوز والزوجة والقرايب ):

قلبك واضح بيحب وعقلك زانقه وبياكله بالاقلام ف ركنة ضلمة..حاول تسلم مابينهم لأنهم ف الاخر ملهمش إلا بعض..اي حاجة براهم تتعوض وأي حد يتعوض برضة متقلقش..

برج الجوزاء عملياً ( الشغل والمذاكرة والتخطيط لبكرة ):

يوم لطيف وخفيف بس في خناقة جواك مابين عقلك وقلبك..

برج الجوزاء صحياً ( نفسيا وجسمانيا وكل مايخص طاسة المزاج ):

دلع نفسك بأيس كريم او اكل دسم او فسح مش مهم..المهم تنبسط وبس

تعرف على توافق برج الجوزاء مع باقي الأبراج النهاردة:

متوافق مع الابراج الكتكوتية

*****************************************************************************

برج السرطان دوت مصر

برج السرطان دوت مصر

إعرف حظك اليوم برج السرطان الثلاثاء 26 سبتمبر 2017 مع عبدالله أحمد..

السرطان: من 21 يونيو إلى 20 يوليو

برج السرطان عاطفياً ( الكراش والإكس والبوي فريند والجيرل فريند والجوز والزوجة والقرايب ):

من حقك تفكر ف نفسك زي مابتفكر ف غيرك..من حقك تنبسط ومن حقك تلعب..

برج السرطان عملياً ( الشغل والمذاكرة والتخطيط لبكرة ):

من حقك تخرج ف اخر اليوم وتتفسح وتشوف الدنيا

برج السرطان صحياً (نفسيا وجسمانيا وكل مايخص طاسة المزاج ):

مهم تاخد بالك من الالوان النهاردة..هتفرق ف نفسيتك جدا خصوصا لو ركنت الحزن اللي هجم فجأة دة على جنب وقررت تتجاوز وتكبر عليه وتفك من خنقته

تعرف على توافق برج السرطان مع باقي الأبراج النهاردة:

متوافق مع الابراج المائية والبرمائية

*****************************************************************************

برج الأسد دوت مصر

برج الأسد دوت مصر

إعرف حظك اليوم برج الأسد الثلاثاء 26 سبتمبر 2017 مع عبدالله أحمد..

الأسد: من 21 يوليو إلى 20 اغسطس

برج الأسد عاطفياً ( الكراش والإكس والبوي فريند والجيرل فريند والجوز والزوجة والقرايب ):

انتا النهاردة اجازة من الحظ يابرج الأسد..إعتمد على مجهودك وبس

برج الأسد عملياً ( الشغل والمذاكرة والتخطيط لبكرة ):

اللون الازرق النهاردة فال خير تقدر تمشي وراه براحتك

برج الأسد صحياً ( نفسيا وجسمانيا وكل مايخص طاسة المزاج ):

متاخدش كل حاجة بشكل شخصي ونام كويس وكل كويس ومتعليش صوتك على حد وانتا تبقى زي الفل طول اليوم

تعرف على توافق برج الأسد مع باقي الأبراج النهاردة:

متوافق مع الابراج الحبشتكانية

*****************************************************************************

برج العذراء دوت مصر

برج العذراء دوت مصر

إعرف حظك اليوم برج العذراء الثلاثاء 26 سبتمبر 2017 مع عبدالله أحمد..

العذراء: من 21 اغسطس إلى 20 سبتمبر

برج العذراء عاطفياً ( الكراش والإكس والبوي فريند والجيرل فريند والجوز والزوجة والقرايب ):

دور على الرومانسية ف حياتك بدل ماتقعد تندب ف حظك طول الوقت بينك وبين نفسك..

برج العذراء عملياً ( الشغل والمذاكرة والتخطيط لبكرة ):

كبر دماغك النهاردة من صراعات الحياة الرخيصة حبة يامعلم..ممنهاش فايدة..

برج العذراء صحياً ( نفسيا وجسمانيا وكل مايخص طاسة المزاج ):

اليوم مناسب للخروج والاسبوع كله مناسب برضة..نقي كويس هتخرج مع مين مش اكتر..

تعرف على توافق برج العذراء مع باقي الأبراج النهاردة:

متوافق مع الابراج اللي بتحب الخروج والفرفشة

*****************************************************************************

برج الميزان دوت مصر

برج الميزان دوت مصر

إعرف حظك اليوم برج الميزان الثلاثاء 26 سبتمبر 2017 مع عبدالله أحمد..

الميزان : من 21 سبتمبر إلى 20 اكتوبر

برج الميزان عاطفياً ( الكراش والإكس والبوي فريند والجيرل فريند والجوز والزوجة والقرايب ):

هتنهي حاجة كنت متحمسلها فجأة وهتبتدي حاجة تانية جديدة فجأة برضة..العادي بتاعك يعني متقلقش

برج الميزان عملياً ( الشغل والمذاكرة والتخطيط لبكرة ):

مفيش حاجة مهمة النهاردة بالنسبالك ف متشغلش بالك بأي حاجة ونام..

برج الميزان صحياً ( نفسيا وجسمانيا وكل مايخص طاسة المزاج ):

طالما بعيد عن وجع الدماغ يبقى كل حاجة ف الأوكيه..

تعرف على توافق برج الميزان مع باقي الأبراج النهاردة:

متوافق مع الابراج اللي تسيبك ف حالك تنام او تحيلك حكاية قبل النوم ف التليفون بالليل

*****************************************************************************

برج العقرب دوت مصر

برج العقرب دوت مصر

إعرف حظك اليوم برج العقرب الثلاثاء 26 سبتمبر 2017 مع عبدالله أحمد..

العقرب: من 21 اكتوبر إلى 20 نوفمبر

برج العقرب عاطفياً ( الكراش والإكس والبوي فريند والجيرل فريند والجوز والزوجة والقرايب ):

يوم ممكن يعدي بهدوء خصوصا لو مهتمتش ترد على كل الكلام اللي بتسمعه بعنف وإهتمام مبالغ فيه..

برج العقرب عملياً ( الشغل والمذاكرة والتخطيط لبكرة ):

المود مناسب للمزيكا والروحانيات بالنهار جدا..واضح انك ف مود هفهاف النهاردة ماشاء الله..

برج العقرب صحياً ( نفسيا وجسمانيا وكل مايخص طاسة المزاج ):

بالليل ممكن تاكل ف مسمط لطيف وتدلع نفسك..خصوصا وان الجو بالليل بدأ يبقى حلو ومشجع على الخروج..

تعرف على توافق برج العقرب مع باقي الأبراج النهاردة:

متوافق مع الابراج النارية

*****************************************************************************

برج القوس دوت مصر

برج القوس دوت مصر

إعرف حظك اليوم برج القوس الثلاثاء 26 سبتمبر 2017 مع عبدالله أحمد..

القوس: من 21 نوفمبر إلى 20 ديسمبر

برج القوس عاطفياً ( الكراش والإكس والبوي فريند والجيرل فريند والجوز والزوجة والقرايب ):

ف كل ساعة ف كل يوم ممكن تبتدي بداية جديدة..حقك على فكرة ف الحياة عادي جدا..

برج القوس عملياً ( الشغل والمذاكرة والتخطيط لبكرة ):

خليك عاقل قصاد الحاجات اللي متقدرش تغيرها..متعاندش..

برج القوس صحياً ( نفسيا وجسمانيا وكل مايخص طاسة المزاج ):

الصبر وكل حاجة هتبقى كويسة وزي الفل..ركز ف الحاجات الحلوة ف حياتك..ركز فيها وبس النهاردة وهتنبسط غصبن عن اي حد..

تعرف على توافق برج القوس مع باقي الأبراج النهاردة:

متوافق مع الابراج الهوائية والترابية

*****************************************************************************

برج الجدي دوت مصر

برج الجدي دوت مصر

إعرف حظك اليوم برج الجدي الثلاثاء 26 سبتمبر 2017 مع عبدالله أحمد..

الجدى: من 21 ديسمبر إلى 20 يناير

برج الجدي عاطفياً ( الكراش والإكس والبوي فريند والجيرل فريند والجوز والزوجة والقرايب ):

واضح انك بتحس بالملل ومحتاج تحس بإثارة وتشويق ف حياتك يكسروا الملل دة..متقلقش..الإثارة والتشويق جايين ف السكة متقلقش..حاول بس متعملش زي كل مرة مصيبة بسبب الاحساس دة عشنا هترجع تندم بدون داعي..

برج الجدي عملياً ( الشغل والمذاكرة والتخطيط لبكرة ):

متعاندش الحياة كلها مرة واحدة وحاول تبان مرن شوية ف وش الضغوط على الاقل لحد الفترة دي ماتعدي بس مش اكتر..

برج الجدي صحياً ( نفسيا وجسمانيا وكل مايخص طاسة المزاج ):

مسيرك تنبسط قريب..خليك جاهز بس مش أكتر..

تعرف على توافق برج الجدي مع باقي الأبراج النهاردة:

متوافق مع الابراج التراربية والسنجابية

*****************************************************************************

برج الدلو دوت مصر

برج الدلو دوت مصر

إعرف حظك اليوم برج الدلو الثلاثاء 26 سبتمبر 2017 مع عبدالله أحمد..

الدلو: من 21 يناير إلى 20 فبراير

برج الدلو عاطفياً ( الكراش والإكس والبوي فريند والجيرل فريند والجوز والزوجة والقرايب ):

متستناش حد..فكك وكبر دماغك..انتا خلاص حافظ المشهد دة كويس وفاهم كويس بيحصل ليه..ف لا تلوم حد ولا تلوم نفسك..عادي..في ناس ف الحياة ملهاش حب..معلش..

برج الدلو عملياً ( الشغل والمذاكرة والتخطيط لبكرة ):

محتاج تركز..محتاج تنام كويس..محتاج تبطل شحتفة وتركز ف اللي وراك وبس..قلبك دة تفكه وتحبسه ف الدولاب او تحطه ف التلاجة أحسن بدل مايجيبلك الكلام كل شوية..فوق للي وراك وبس..فوق..

برج الدلو صحياً ( نفسيا وجسمانيا وكل مايخص طاسة المزاج ):

الاكل الخفيف اللي يدوبك يسد جوعك وبس النهاردة..وقلل من الشاي والقهوة والمياه الغازية على قد ماتقدر..الينسون الطف وبيهدي الاعصاب والكركديه حلو للضغط..متبصش للسما بالليل كتير بس اليومين دول..متدورش على القمر..متدورش على القمر..

تعرف على توافق برج الدلو مع باقي الأبراج النهاردة:

متوافق مع الابراج اللي تسيبك ف حالك

*****************************************************************************

برج الحوت دوت مصر

برج الحوت دوت مصر

إعرف حظك اليوم برج الحوت الثلاثاء 26 سبتمبر 2017 مع عبدالله أحمد..

الحوت: من 21 فبراير إلى 20 مارس

برج الحوت عاطفياً ( الكراش والإكس والبوي فريند والجيرل فريند والجوز والزوجة والقرايب ):

قلبك محتاج اجازة من الاجازة ذات نفسها خصوصا وانك بقيت بتكراش من تحت لتحت على ناس كتير..

برج الحوت عملياً ( الشغل والمذاكرة والتخطيط لبكرة ):

جواك احتياج لعمل نشاط تكراري مستمر ف اتجاه واحد لفترة معقولة من الزمن..مش طويلة اوي عشان متزهقش ومش قصيؤة اوي عشان تلحق تنبسط..واضح انك محتاج تأجر عجل تلفلف بيه شوية ف جنينة ولا ف شارع..حاسب من العربيات بس وانتا سايق العجلة مش اكتر..

برج الحوت صحياً ( نفسيا وجسمانيا وكل مايخص طاسة المزاج ):

محتاج تاكل طبيخ النهاردة يكون لونه حلو وريحته حلوة ومحتاج تثق ف نفسك حبة عشان هي كمان تبطل تخاف منك وترجع تثق فيك..خصوصا لما تبطل تجلدها بالليل ف السر وتفتري عليها

تعرف على توافق برج الحوت مع باقي الأبراج النهاردة:

متوافق مع الابراج المائية والغازية

*****************************************************************************

حظك اليوم ممكن يكون موجود وممكن ميكونش موجود..القرار قرارك لوحدك ف حياتك وبس..بس لو اخترنا نشوفه وندور عليه كويس وبإهتمام هنشوف تأثيره في حياتنا طول الوقت ومنقدرش ننكره.. بنشوف ناس مبسوطة وناس لأ.. بنقول على المبسوط حظه حلو وبنتمنى نبقى حظنا من حظه ونبقى مبسوطين زيه وبنتمنى نملك الانبساط دا ونتحكم فيه .. ونستدعيه كمان وقت اللزوم زي جني المصباح..زي الأحلام.. وزي الأماني والخيالات الحلوة.. وقت الضيقة والخنقة والمشاكل والاحتياج اليومي للأمل ف بكرة أفضل وأروق وأجمل وألوانه أحلى..بنتمنى يكون في منطق واسباب للسعادة ممكن تتحط وتتكثف ف كلام بسيط وقريب..

ومن هنا بقى في توقعات حظك اليوم بالاعتماد على حركة الكواكب ومواقع النجوم وعلم الفلك.. محدش ينكر إن كوكب الأرض كله واقع تحت تأثير حركة الكواكب المحيطة وخصوصاً القمر.

ولولا تأثيره مكانش بقى في حركة مد وجزر ومكانش الإنسان عرف يسافر بمراكب في البحر.. ولا كان الإنسان اتحرك من بلد لبلد برضه ف البر لو مكانش في مواقع للنجوم مميزة ف السما يقدر يعتمد عليها..

إفتكر الكلام دا وانت بتقرا حظك اليوم النهاردة وبكرة وكل يوم ياريت ..

وتأكد إنك سواء عجبك الكلام المكتوب هنا في برجك أو لأ فانت تقدر تصنع حظك اليوم بإيديك سواء اليوم أو كل يوم..

الكلام المكتوب هنا دايما الغرض منه الفرفشة والدلع والمزاج الرايق بعلامات حلوة من الحياة محطوطة ف كلام وحبة مزيكا على مزاجك..

تابعنا يومياً عشان تعرف حظك اليوم كل يوم ومتنساش.. كل دة مجرد هزار برئ ياريت متاخدوش على صدرك..

تحياتنا الدائمة.

اعلان حظك اليوم دوت مصر

اعلان حظك اليوم دوت مصر

بلاي ليست دوت بالبلدي

بلاي ليست دوت بالبلدي

جميع حقوق النشر محفوظة لدى شركة دوت مصر ويحظر نشر أو توزيع أو طبع أي مادة دون إذن مسبق من الشركة

شكراً لك على زيارتنا لمشاهدة موضوع ابراج اليوم - حظك اليوم الثلاثاء 26 سبتمبر 2017 مع عبدالله أحمد..الأسد..أجازة ونتمني ان نكون قد أوفينا في تقديم الخدمة ونود ان نوضحك لك أن خبر "ابراج اليوم - حظك اليوم الثلاثاء 26 سبتمبر 2017 مع عبدالله أحمد..الأسد..أجازة" ليس لنا أدني مسؤلية علية ويمكنك ان تقوم بقرائة الخبر من موقعه الاصلي من موقع دوت مصر و سمكنك ان تقوم بمتابعة أخر و أحدث الاخبار عبر موقعنا الافق نيوز دائماً من خلال زيارة الرابط " http://www.alufuqnews.com " او من خلال كتابة " الافق نيوز " فى جوجل وسيتم تحويلك الى موقعنا فوراً ان شاء الله .

 

 

اشترك فى النشرة البريدية لتحصل على اهم الاخبار بمجرد نشرها

تابعنا على مواقع التواصل الاجتماعى

 

اعلانات المحتوي

 

السابق ابراج اليوم - بلاي ليست.. إيتيز
التالى ابراج اليوم - حظك اليوم برج السرطان الأحد 1/10/2017 على الصعيد المهنى العاطفى والصحى.. لا تختبر صبرك مجددًا