أغلب تصفح للأخبار عبر

الإستفتاءات السابقة

 

 

الاعلان رقم 3
الاعلان رقم 4
الاعلان رقم 5

ابراج اليوم - حظك اليوم الأحد 1 أكتوبر 2017..الحمل..عينيك هتكشفك

 

 

أنت الان تشاهد خبر - ابراج اليوم - حظك اليوم الأحد 1 أكتوبر 2017..الحمل..عينيك هتكشفك
فى موقع - أخبار الافق نيوز
بتاريخ - الأحد 1 أكتوبر 2017 02:23 صباحاً

دوت مصر الأفق نيوز - رئيس التحرير التنفيذي: هاني رفعت مدير التحرير: عبد الله أحمد 10 Sites

متاخدش الكلام على صدرك..ف الأول والأخر انتا اللي بتعمل حظك كل يوم بتصرفاتك ف الحياة ومينفعش حد يقولك هتبقى مبسوط النهاردة أو لأ إلا انتا..إنتا بس اللي تقدر تحدد دة اليوم وكل يوم..متنساش دة..

: كلام جد

مشكلة الإكتئاب الحقيقية إنه ساكت..أخرس طول الوقت..لو يتكلم ويقولنا نتحرك أو نعمل أي حاجة محدش هيعترض عليه..انما هو إختار يبقى قامط كدة طول الوقت وساكت..بس مش مشكلة..مسيره يتكلم..مسيره يتكلم.

*******************

عشان تعرف حظك بشكل كامل .. صفي نيتك ودوس على اسم برجك بإيدك اليمين.

حظك اليوم برج الحمل دوت مصر

حظك اليوم برج الحمل دوت مصر

إعرف حظك اليوم برج الحمل الأحد 1 أكتوبر 2017 مع عبدالله أحمد..

الحمل: من 21 مارس إلى 20 ابريل

حظك اليوم برج الحمل عاطفياً

( الكراش والإكس والبوي فريند والجيرل فريند والجوز والزوجة والقرايب ):

عينيك هتكشفك النهاردة بشكل كبير.. إلبس نضارة شمس كبيرة من اللي شبه نضارة اللحام دي قبل ماتنزل..متنساش.

حظك اليوم برج الحمل عملياً

( الشغل والمذاكرة والتخطيط لبكرة ):

لما بتحب حد بجد بتفضل باصصله طول الوقت ومشعلق عينيك عليه كأنك بتناديه بالتالي بتفتن على مشاعرك وبتعترف وبسهولة ممكن حد ياخد باله من الموضوع دة وهتبقى مشكلة..داري على حبك أحسن عشان الحساد كتير واللتاتين ف الكلام أكتر وأكتر

حظك اليوم برج الحمل صحياً

( نفسيا وجسمانيا وكل مايخص طاسة المزاج ):

إيروبكس نص ساعة مع مزيكا حلوة قبل الفطار او قبل الغدا هتروق مزاجك وهتديك فرصة تحس بنشاط وطاقة طول اليوم بشكل اكبر من الايام العادية

إعرف توافق برج الحمل مع باقي الأبراج النهاردة

متوافق مع الابراج الهوائية والبرمائية والفنكوشية

*****************************************************************************

حظك اليوم برج الثور دوت مصر

حظك اليوم برج الثور دوت مصر

إعرف حظك اليوم برج الثور الأحد 1 أكتوبر 2017 مع عبدالله أحمد..

الثور : من 21 ابريل إلى 20 مايو

حظك اليوم برج الثور عاطفياً

( الكراش والإكس والبوي فريند والجيرل فريند والجوز والزوجة والقرايب ):

حاول متنظّرش وتفتي النهاردة كتير ف الحاجات اللي مبتفهمش فيها عشان هتتفقس.

حظك اليوم برج الثور عملياً

( الشغل والمذاكرة والتخطيط لبكرة ):

محتاج تخطط لأسبوع قدام هتعمل ايه وهتنجز ايه وهتخلص ايه وهتركن ايه مش هتعمله بشكل واضح وصريح مع نفسك حتى لو مش هتلتزم بالخطط دي بعد كدة بس مجرد التخطيط هيريح نفسيتك القلقانة

حظك اليوم برج الثور صحياً

( نفسيا وجسمانيا وكل مايخص طاسة المزاج ):

الجو ملائم جدا للحب..ياريت تستفيد من الموضوع دة بشكل عاجل وبإهتمام كبير يفوق إهتمامك بإنكار انك محتاج الحب ف حياتك

إعرف توافق برج الثور مع باقي الأبراج النهاردة:

متوافق مع الابراج النارية

*****************************************************************************

حظك اليوم برج الجوزاء دوت مصر

حظك اليوم برج الجوزاء دوت مصر

إعرف حظك اليوم برج الجوزاء الأحد 1 أكتوبر 2017 مع عبدالله أحمد..

الجوزاء: من 21 مايو إلى 20 يونيو

حظك اليوم برج الجوزاء عاطفياً

( الكراش والإكس والبوي فريند والجيرل فريند والجوز والزوجة والقرايب ):

هتفضل مصدوم كدة من الحياة كتير ولا إيه؟.. آن آوان تتجاوز وتحرك وتكبر..وراك مسئوليات كتير جدا محتاجة اللي يطنشها ويشتكي منها..يدوبك تلحق.

حظك اليوم برج الجوزاء عملياً

( الشغل والمذاكرة والتخطيط لبكرة ):

الخروج برة من بدري النهاردة هيكونله تأثير كويس على نفسيتك وإحتمال يخليك تحس بالانتعاش والنعنشة طول اليوم..حاول تصحى بدري وتخرج تعمل اي حاجة مفيدة وبلاش قعدة ف البيت ياريت

حظك اليوم برج الجوزاء صحياً

( نفسيا وجسمانيا وكل مايخص طاسة المزاج ):

اليوم مناسب للمكرونة النجرسكو بشكل كبير

تعرف على توافق برج الجوزاء مع باقي الأبراج النهاردة:

متوافق مع الابراج الترابية والمائية والهوائية

*****************************************************************************

حظك اليوم برج السرطان دوت مصر

حظك اليوم برج السرطان دوت مصر

إعرف حظك اليوم برج السرطان الأحد 1 أكتوبر 2017 مع عبدالله أحمد..

السرطان: من 21 يونيو إلى 20 يوليو

حظك اليوم برج السرطان عاطفياً

( الكراش والإكس والبوي فريند والجيرل فريند والجوز والزوجة والقرايب ):

كونك مقرر تبقى بائس ف نفسك وحزين ميخصش اي حد ولا من حقك تلوم العالم انه مش بيفرفشك كفاية..انتا اللي اخترت النكد مش النكد اللي اختارك

حظك اليوم برج السرطان عملياً

( الشغل والمذاكرة والتخطيط لبكرة ):

فترة مش حلوة وتعدي..استحملها وعديها وحاول متخسرش بسببها ناس كتير عشان مسيرك هتحتاج الناس دي ف حياتك وساعتها مش هتلاقيهم وهيهربوا منك ساعتها وهترجع تزعل..ف على ايه..راعي الناس عشان تراعيك

حظك اليوم برج السرطان صحياً

(نفسيا وجسمانيا وكل مايخص طاسة المزاج ):

حلو انك تقف تعمل لنفسك اكل بس ياريت متكيدش بيه حد خصوصا وان دي مش حاجة تفاخر بيها اوي بصراحة..الطبيعي ان الانسان يقف يأكل نفسه بنفسه خصوصا لو كان زي سيادتك كدة مبيعجبوش العجب وممكن يطلع القطط الفاطسة ف اكل الاخرين لو حبوا يعملوله اكل ف يوم ويعزموه عليه

تعرف على توافق برج السرطان مع باقي الأبراج النهاردة:

متوافق مع الابراج الحبشتكانية

*****************************************************************************

حظك اليوم برج الأسد دوت مصر

حظك اليوم برج الأسد دوت مصر

إعرف حظك اليوم برج الأسد الأحد 1 أكتوبر 2017 مع عبدالله أحمد..

الأسد: من 21 يوليو إلى 20 اغسطس

برج الأسد عاطفياً

( الكراش والإكس والبوي فريند والجيرل فريند والجوز والزوجة والقرايب ):

محدش بيراقبك ولا مركز معاك ولا حاجة انتا اللي بقالك فترة بارانويد اندرويد لوحدك اساسا وبتشك ف صوابع ايديك ورجليك

حظك اليوم برج الأسد عملياً

( الشغل والمذاكرة والتخطيط لبكرة ):

حاجات حلوة جاية ف السكة بس عاوزة منك تتفاءل وتبقى مبتسم ومنشكح ف استقبالها والترحيب بيها وإلا هتهبأ منك وتكت وترجع تندم عليها..تفاءل شوية ولو تمثيل..مش عيب..

حظك اليوم برج الأسد صحياً

( نفسيا وجسمانيا وكل مايخص طاسة المزاج ):

الاكل النهاردة ياريت يبقى خفيف لو حاسس بتوتر او عكننة ف بداية اليوم وياريت يبقى دسم وتقيل ومزهزه لو المود تمام وفريش ليومين قدام

تعرف على توافق برج الأسد مع باقي الأبراج النهاردة:

متوافق مع الابراج المتفاءلة

*****************************************************************************

حظك اليوم برج العذراء دوت مصر

حظك اليوم برج العذراء دوت مصر

إعرف حظك اليوم برج العذراء الأحد 1 أكتوبر 2017 مع عبدالله أحمد..

العذراء: من 21 اغسطس إلى 20 سبتمبر

حظك اليوم برج العذراء عاطفياً

( الكراش والإكس والبوي فريند والجيرل فريند والجوز والزوجة والقرايب ):

حاول متكتئبش النهاردة..حاول يعني..الموضوع مش اجباري اوي بس حاول عشان خاطر الحضارة والانسانية وعشان خاطر نفسك ونفسيتك اللي قربت تهرب منك خلاص

حظك اليوم برج العذراء عملياً

( الشغل والمذاكرة والتخطيط لبكرة ):

الهدوء والتركيز النهاردة مهمين جدا ومناسبين جدا لمودك اللي بيميل ناحية قلة الكلام وقلة الشغل

حظك اليوم برج العذراء صحياً

( نفسيا وجسمانيا وكل مايخص طاسة المزاج ):

تقدر تفكر ف العشا من بدري لانه مهم خصوصا لو هتتعشا مع حد بتحبه او هيعزمك..مهم تحدد من بدري هتاكل ايه وفين ومع مين..التخطيط المسبق هيريح اعصابك ويديك حاجة تتطلع ليها ولحدوثها منذ بداية اليوم يمكن تديك امل ف الحياة ولا حاجة..جايز محدش يعرف لسة..

تعرف على توافق برج العذراء مع باقي الأبراج النهاردة:

متوافق مع الابراج النارية والمائية والبرمائية

*****************************************************************************

حظك اليوم برج الميزان دوت مصر

حظك اليوم برج الميزان دوت مصر

إعرف حظك اليوم برج الميزان الأحد 1 أكتوبر 2017 مع عبدالله أحمد..

الميزان : من 21 سبتمبر إلى 20 اكتوبر

حظك اليوم برج الميزان عاطفياً

( الكراش والإكس والبوي فريند والجيرل فريند والجوز والزوجة والقرايب ):

لو هتمشي على رجلك النهاردة يبقى خلي بالك من العربيات وانتا بتعدي الشارع..ولو انتا النهاردة هتبقى سايق ف خلي بالك من الناس اللي بتعدي الشارع ياريت

حظك اليوم برج الميزان عملياً

( الشغل والمذاكرة والتخطيط لبكرة ):

المشاوير بالنهار لازم تتقضي ف السريع وبنشاط وبدون تلاكيك وتفكير كتير..خلص اللي وراك عشان يتبقالك وقت بالليل تتفسح فيه او تعرف تتفرج على اي مسلسل ولا فيلم حلو او الاتنين مع بعض

حظك اليوم برج الميزان صحياً

( نفسيا وجسمانيا وكل مايخص طاسة المزاج ):

بلاش طعمية مزيتة ف الفطار..انتا مش ناقص حموضة

تعرف على توافق برج الميزان مع باقي الأبراج النهاردة:

متوافق مع الابراج الترابية والغازية

*****************************************************************************

حظك اليوم برج العقرب دوت مصر

حظك اليوم برج العقرب دوت مصر

إعرف حظك اليوم برج العقرب الأحد 1 أكتوبر 2017 مع عبدالله أحمد..

العقرب: من 21 اكتوبر إلى 20 نوفمبر

حظك اليوم برج العقرب عاطفياً

( الكراش والإكس والبوي فريند والجيرل فريند والجوز والزوجة والقرايب ):

تحت اي بند متقرقضش ضوافرك النهاردة عشان فال مش كويس وبالنسبة للبنات ياريت متحطيش مونوكير بينك او اصفر او برتقاني النهاردة..مش عشان الالوان دي فال مش كويس لأ.. عشان دي الوان معفنة ومتنفعش تبقى الوان مونوكير اساسا..

حظك اليوم برج العقرب عملياً

( الشغل والمذاكرة والتخطيط لبكرة ):

عند مرحلة ما ف حياتك لازم تواجه مسألة ان فكرتك عن نفسك حمادة والظاهر للناس منك حمادة تاني خالص..لازم تعمل خطة مرحلية تاخد فيها وقتك ف اعداد حمادة واحد بس يتعامل معاك ومع العالم ف نفس الوقت..غير كدة هيجيلك فصام وانتا مش ناقص امراض ف نفسيتك اساسا

حظك اليوم برج العقرب صحياً

( نفسيا وجسمانيا وكل مايخص طاسة المزاج ):

مهم حد بيحبك يطبخلك اكل النهاردة..المشكلة انه ممكن يعملك اكل دسم يبوظلك الدايت وممكن يقلبك ف بيضتين وطماطماية ويقولك دي شكشوكة حلوة وجميلة..عند نص النهار هتعرف هتاكل ايه متقلقش..

تعرف على توافق برج العقرب مع باقي الأبراج النهاردة:

متوافق مع الابراج المائية والغازية

*****************************************************************************

حظك اليوم برج القوس دوت مصر

حظك اليوم برج القوس دوت مصر

إعرف حظك اليوم برج القوس الأحد 1 أكتوبر 2017 مع عبدالله أحمد..

القوس: من 21 نوفمبر إلى 20 ديسمبر

حظك اليوم برج القوس عاطفياً

( الكراش والإكس والبوي فريند والجيرل فريند والجوز والزوجة والقرايب ):

النفسية محتاجة أكلة لحمة راس او حاجة شبه كدة..وياحبذا لو كنت معزوم ف الطلعة دي ومدفعتش اي حاجة..تبقى جبرت بصراحة

حظك اليوم برج القوس عملياً

( الشغل والمذاكرة والتخطيط لبكرة ):

محتاج تدفن احزانك واحباط ف الاكل النهاردة بشكل كبير بدل ما تعمل ف نفسك حاجة مش ولابد..كمان انتا محتاج تبعد عن مصادر النكد النهاردة بمسافة كبيرة..سواء ف الاشخاص او ف الاماكن او ف السجاير

حظك اليوم برج القوس صحياً

( نفسيا وجسمانيا وكل مايخص طاسة المزاج ):

متبقاش بتنهج ومش عارف تاخد نفسك ومخبي سجاير هتشربها ف الحمام من ورا البيت كله..مش اسلوب دة ياحضرة والله..مش اسلوب

تعرف على توافق برج القوس مع باقي الأبراج النهاردة:

متوافق مع الابراج الموصلة بشكل جيد لكهرباء الحب زي إمبارح

*****************************************************************************

حظك اليوم برج الجدي دوت مصر

حظك اليوم برج الجدي دوت مصر

إعرف حظك اليوم برج الجدي الأحد 1 أكتوبر 2017 مع عبدالله أحمد..

الجدى: من 21 ديسمبر إلى 20 يناير

حظك اليوم برج الجدي عاطفياً

( الكراش والإكس والبوي فريند والجيرل فريند والجوز والزوجة والقرايب ):

هتتعكش النهاردة ف البيت او ف الجامعة او ف الشغل..ف خلي بالك بقى عشان هتتعرض لضغوط كتير جدا عشان تعترف..الصح انك متعترفش بأي حاجة وتنكر كل حاجة..تنكر كل حاجة..

حظك اليوم برج الجدي عملياً

( الشغل والمذاكرة والتخطيط لبكرة ):

محدش من حقه يقررك او يضغط عليك عشان تعترف بحاجة انتا عملتها بس مش عاوز تعترف انك انتا اللي عملتها..دة اسمه ظلم..المفروض يسيبوك لضميرك الصاحي المتيقظ وانتا هتاخد وتدي مع نفسك حبتين وترجع تعترف بكل حاجة من نفسك اساسا..انما تحت ضغط..لا وألف لا..

حظك اليوم برج الجدي صحياً

( نفسيا وجسمانيا وكل مايخص طاسة المزاج ):

الخروج بالليل محبب جدا ومحبذ وغالبا تصرف صح..الا لو هتخرج تعمل مصيبة من مصايبك مع اصحابك..ساعتها بلاش تخرج وكن ف البيت عشان اليوم مليان عكوسات طايرة ف الهوا وانتا مش ناقص عكوسات..

تعرف على توافق برج الجدي مع باقي الأبراج النهاردة:

متوافق مع الابراج الهوائية

*****************************************************************************

حظك اليوم برج الدلو دوت مصر

حظك اليوم برج الدلو دوت مصر

إعرف حظك اليوم برج الدلو الأحد 1 أكتوبر 2017 مع عبدالله أحمد..

الدلو: من 21 يناير إلى 20 فبراير

حظك اليوم برج الدلو عاطفياً

( الكراش والإكس والبوي فريند والجيرل فريند والجوز والزوجة والقرايب ):

عندك اسباب سرية للفرحة..مش لازم حد يعرفها ولا يحس بيها..داري عليها كويس ومتسيحش لنفسك عشان التسييح النهاردة اساسا فال وحش ف العموم وف المطلق..

حظك اليوم برج الدلو عملياً

( الشغل والمذاكرة والتخطيط لبكرة ):

حاول متبقاش عنيف مع حد النهاردة مهما حصل..هتجيلك فرص كتير ممكن تفعص فيها نفسية اللي قدامك بكلمة..ساعتها افتكر انك أكبر من كدة وان اليوم مسيره يخلص والناس كلها بتروح وتيجي واللي باقيلك فعلا هو مودك وبس..ف حافظ عليه سليم من فضلك

حظك اليوم برج الدلو صحياً

( نفسيا وجسمانيا وكل مايخص طاسة المزاج ):

زود حبة ف شرب السوايل وابعد عن الفول الصبح وركز مع البيض ف الفطار وياريت ف الغدا متلخبطش اوي اوي يعني..يعني مثلا لو يدوبك صينية مكرونة بالباشميل او فراخ ورز وخضار او الاتنين مع بعض ميضرش..اهو برضة انتا ف مرحلة نمو ومحتاج تتغذى

تعرف على توافق برج الدلو مع باقي الأبراج النهاردة:

متوافق مع الابراج النارية والغازية

*****************************************************************************

حظك اليوم برج الحوت دوت مصر

حظك اليوم برج الحوت دوت مصر

إعرف حظك اليوم برج الحوت الأحد 1 أكتوبر 2017 مع عبدالله أحمد..

الحوت: من 21 فبراير إلى 20 مارس

حظك اليوم برج الحوت عاطفياً

( الكراش والإكس والبوي فريند والجيرل فريند والجوز والزوجة والقرايب ):

حاجة حلوة هتحصل النهاردة وهتبسطك جامد..يابختك بصراحة..

حظك اليوم برج الحوت عملياً

( الشغل والمذاكرة والتخطيط لبكرة ):

صفي نيتك بس وانتا تلاقي كل حاجة سلكت ومشيت وجريت كمان ف الاتجاه الصح الملائم المناسب..مش الاتجاه اللي بتكيد بيه الناس اللي انتا مستلف عداوتهم من الحياة بالعافية محدش عارف ليه..تقريبا نفسك تعمل عصابة صغننة ومكسوف تقول..عموما ربنا يوفقك

حظك اليوم برج الحوت صحياً

( نفسيا وجسمانيا وكل مايخص طاسة المزاج ):

محدش بيكرهك ولا مستقصدك ولا حاجة..انتا اللي بتوهم نفسك بنفسك..النفسية محتاجة بلبطة ف البانيو لمدة مش اقل من ساعة ومحتاجة فاكهة تمشي مع الجبنة بأنواعها..خصوصا الشيدر

تعرف على توافق برج الحوت مع باقي الأبراج النهاردة:

متوافق مع الابراج الترابية

*****************************************************************************

اعلان حظك اليوم دوت مصر

اعلان حظك اليوم دوت مصر

بلاي ليست دوت بالبلدي

بلاي ليست دوت بالبلدي

جميع حقوق النشر محفوظة لدى شركة دوت مصر ويحظر نشر أو توزيع أو طبع أي مادة دون إذن مسبق من الشركة

شكراً لك على زيارتنا لمشاهدة موضوع ابراج اليوم - حظك اليوم الأحد 1 أكتوبر 2017..الحمل..عينيك هتكشفك ونتمني ان نكون قد أوفينا في تقديم الخدمة ونود ان نوضحك لك أن خبر "ابراج اليوم - حظك اليوم الأحد 1 أكتوبر 2017..الحمل..عينيك هتكشفك" ليس لنا أدني مسؤلية علية ويمكنك ان تقوم بقرائة الخبر من موقعه الاصلي من موقع دوت مصر و سمكنك ان تقوم بمتابعة أخر و أحدث الاخبار عبر موقعنا الافق نيوز دائماً من خلال زيارة الرابط " http://www.alufuqnews.com " او من خلال كتابة " الافق نيوز " فى جوجل وسيتم تحويلك الى موقعنا فوراً ان شاء الله .

 

 

اشترك فى النشرة البريدية لتحصل على اهم الاخبار بمجرد نشرها

تابعنا على مواقع التواصل الاجتماعى

 

اعلانات المحتوي

 

السابق ابراج اليوم - حلمك تجيب آيفون 8.. خش يمكن تغير رأيك
التالى ابراج اليوم - فيديو«أصنعيه بيديك».. أفضل طريقة لعمل طقم التوابل بتدابير منزلية بسيطة