أغلب تصفح للأخبار عبر

الإستفتاءات السابقة

 

 

الاعلان رقم 3
الاعلان رقم 4
الاعلان رقم 5

ابراج اليوم - حظك اليوم الخميس 3 أغسطس 2017 مع عبدالله أحمد..الميزان..ميلك شيك ف الطريق إليك

 

 

أنت الان تشاهد خبر - ابراج اليوم - حظك اليوم الخميس 3 أغسطس 2017 مع عبدالله أحمد..الميزان..ميلك شيك ف الطريق إليك
فى موقع - أخبار الافق نيوز
بتاريخ - الخميس 3 أغسطس 2017 12:47 صباحاً

دوت مصر الأفق نيوز - رئيس التحرير التنفيذي: هاني رفعت مدير التحرير: عبد الله أحمد 10 Sites

حظك اليوم وتوقعات الأبراج اليوم معانا كل يوم على دوت مصر كل يوم..وخد بالك حظك اليوم هزار من الحياة.. مش أكتر.. ومحدش يملك معلومات كافية ولا بصيرة كافية ولا علم كافي عشان يقولك هتبقى النهاردة كويس أو لأ.. دة دايما متوقف على اختيارك وعلى مزاجك ومودك وظروفك لوحدك.

*******************

كلام جد:

حيطة مكتوب عليها.. " سنجلني وبكى وسبقني ف الهشتكة ".

عشان تعرف حظك بشكل كامل .. صفي نيتك ودوس على اسم برجك بإيدك اليمين.

إعرف حظك اليوم برج الحمل الخميس 3 أغسطس 2017 مع عبدالله أحمد..

الحمل: من 21 مارس إلى 20 ابريل

برج الحمل عاطفياً:

على وضعك يامعلم..أكل ونوم ونوم وأكل..بس كدة

برج الحمل عملياً:

ف وسط ملحمة الأكل والنوم هتضطر تعمل حاجات محددة زي انك تشتغل او تتكلم او تسمع او مجرد تتفرج وبس من بعيد

برج الحمل صحياً:

مش مهم اي حاجة..المهم حقيقي انك تنبسط بوقتك..مش أكتر

إعرف توافق برج الحمل مع باقي الأبراج النهاردة

متوافق مع تكبير الدماغ

*****************************************************************************

إعرف حظك اليوم برج الثور الخميس 3 أغسطس 2017 مع عبدالله أحمد..

الثور : من 21 ابريل إلى 20 مايو

برج الثور عاطفياً:

بلاش نصايح..متنصحش حد..كل واحد يخليه ف كوزه أحسن..خصوصا وإن كل واحد ادرى بمتطلبات المرحلة داخل كوزه..ثم انه مفيش كوز زي التاني ودي حاجة معروفة بالنسبة لأي حد عنده كوز

برج الثور عملياً:

لما تقعد ف الكوز بتاعك احسن مليون مرة من انك تعك الدنيا مع البشر النهاردة

برج الثور صحياً:

خليك ف روقانك الشخصي احسن وداخل عالمك الخاص ف خيالك واحلامك وشوف هتتعشى ايه الليلة يروق مزاجك ومهم يكون من عمايل ايديك

إعرف توافق برج الثور مع باقي الأبراج النهاردة:

متوافق مع الرغبة ف الصدام والخناق

*****************************************************************************

إعرف حظك اليوم برج الجوزاء الخميس 3 أغسطس 2017 مع عبدالله أحمد..

الجوزاء: من 21 مايو إلى 20 يونيو

برج الجوزاء عاطفياً:

حط برفان إحتياطي الليلة قبل ماتنام عشان إحتمال تتباس النهاردة ف أحلامك

برج الجوزاء عملياً:

الحاجة الوحيدة اللي بتبطل مفعول سهام كيوبيد هي الأكل..وخصوصا الاكل الدسم..متفهمش ليه.. غير كدة كله ف السكلانس

برج الجوزاء صحياً:

ماتاكل براحتك ايه المشكلة يعني..بالهنا والشفا على مراوحك

تعرف على توافق برج الجوزاء مع باقي الأبراج النهاردة:

متوافق مع المرح بشكل عام

*****************************************************************************

إعرف حظك اليوم برج السرطان الخميس 3 أغسطس 2017 مع عبدالله أحمد..

السرطان: من 21 يونيو إلى 20 يوليو

برج السرطان عاطفياً:

النهاردة يوم إستثنائي من الدايت وفري خالص..تقدر تحسس نفسك فيه بالحب زي مانتا عاوز.. حتى لو شعورك بلاستك ومش حقيقي.. براحتك

برج السرطان عملياً:

نفسيتك اهم من وزنك بالتأكيد وطالما نفسك ف اكل معين يبقى تاكله.. دي حاجة مفيهاش كلام.. ثم هتطنش ليه حاجة بسيطة زي دي ممكن تبسطك

برج السرطان صحياً:

مهم توفر طاقة المسكنة اللي عندك لوقت تكون فيه عيان فعلا او فعلا هش وضعيف او ف مشكلة او حتى لو بتحب بشكل حقيقي.. انما هتتمسكن عمال على بطال ف هينتهي بيك الامر متطنش من الكل ومحدش بيصدقك

تعرف على توافق برج السرطان مع باقي الأبراج النهاردة:

النهاردة مفيش طعمية متقلقش.. متوافق النهاردة مع البرجر الميكس بالبيض والجبنة

*****************************************************************************

إعرف حظك اليوم برج الأسد الخميس 3 أغسطس 2017 مع عبدالله أحمد..

الأسد: من 21 يوليو إلى 20 اغسطس

برج الأسد عاطفياً:

هدوء ورقي وتسامي عن الصدام او الجدل..هو دة الكلام والنعمة هو دة

برج الأسد عملياً:

روق دماغك وكلفها أحسشن..اللي يقول يقول وأهو كله ف الاخر شوية كلام..شوية اصوات وحركات وطاقة فاضية وخايلة كدابة وخلاص

برج الأسد صحياً:

الذكاء انك متقلبش مودك النهاردة..مودك امانة..تنزل بيه فل ومظبوط بالاكل والمزيكا وترجع بيه برضة مظبوط زي مانزلت بيه ياريت..ودة طلب صعب على فكرة بس انتا قدها وقدود

تعرف على توافق برج الأسد مع باقي الأبراج النهاردة:

متوافق مع التماسك والصبر والتعالي على توافه الامور ومع الابراج الهوائية

*****************************************************************************

إعرف حظك اليوم برج العذراء الخميس 3 أغسطس 2017 مع عبدالله أحمد..

العذراء: من 21 اغسطس إلى 20 سبتمبر

برج العذراء عاطفياً:

متتهورش عشان متتعورش..متخاطرش مع حبايبك النهاردة عشان هتزعل وهتجيب عقل وقلب يزعلوا معاك..ف على ايه..خليك حنين ولطيف وكل حاجة ممكن تتظبط بالكلام والنقاش البناء المثمر

برج العذراء عملياً:

ابعد النهاردة عن اي حيطة خضرا وحاول متبقاش بوشين مع الناس..المسألة بقت مكشوفة وفجة خلي بالك وملهاش اي لازمة

برج العذراء صحياً:

خد بالك من نفسك وانتا بتعدي الشارع

تعرف على توافق برج العذراء مع باقي الأبراج النهاردة:

متوافق مع الأصل مش مع الصورة

*****************************************************************************

إعرف حظك اليوم برج الميزان الخميس 3 أغسطس 2017 مع عبدالله أحمد..

الميزان : من 21 سبتمبر إلى 20 اكتوبر

برج الميزان عاطفياً:

الحل مع الإكتئاب مش الأكل ولا النوم..ثم مكتئب ليه اساسا

برج الميزان عملياً:

الأكل مبيحلش محل المشاعر المفتقدة او الرغبة ف الحرية والانطلاق وعودة النشاط ولا النوم هروب ناجح بالمرة راخر

برج الميزان صحياً:

الحل الوحيد المؤكد علميا ضد الإكتئاب هو لعب الجيمز غير كدة كلها حاجات تحت بند التجريب والتجريف مش أكتر

تعرف على توافق برج الميزان مع باقي الأبراج النهاردة:

متوافق مع الميلك شيك ومع الابراج النارية والمائية والغازية..ماشاء الله واضح انك منتشر

*****************************************************************************

إعرف حظك اليوم برج العقرب الخميس 3 أغسطس 2017 مع عبدالله أحمد..

العقرب: من 21 اكتوبر إلى 20 نوفمبر

برج العقرب عاطفياً:

إنفراجة هتحصل ف الاسارير النفسية بشكل خطير النهاردة..نتمنى متفهمش الموضوع غلط وتبوظ كل حاجة كالعادة

برج العقرب عملياً:

محتاج دعم عاطفي عشان أساريرك تنفرج ودة امر طبيعي ف اي أسارير ف الدنيا..مستغرب ليه مش فاهم؟

برج العقرب صحياً:

طول ما الحياة بالنسبالك خناقة مهم تثبت فيها انك صح وبس مش هتفلح..افتكر الكلام دة كويس النهاردة

تعرف على توافق برج العقرب مع باقي الأبراج النهاردة:

متوافق مع صورتك المثالية عن نفسك وبس

*****************************************************************************

إعرف حظك اليوم برج القوس الخميس 3 أغسطس 2017 مع عبدالله أحمد..

القوس: من 21 نوفمبر إلى 20 ديسمبر

برج القوس عاطفياً:

تسلح بإبتسامتك ف مواجهة تناحة الحياة وتفاصيلها..غير كدة متوجعش دماغك ف انتظار الحب.. لأنه مش هيأتي النهاردة..ريح دماغك

برج القوس عملياً:

خد بالك من منحنيات الظروف اللي اوقات بتضحك عليك وتخليك تتوتر وتتضايق وتتعصب.. وبعدين الموقف من دول يعدي وتكتشف انه مكانش مستاهل الزعل دة كله وانتا اللي كنت مكبر الموضوع على الفاضي..مش اكتر

برج القوس صحياً:

كافئ نفسك بحاجة حلوة..تستاهل ونص..كمان شعرك حلو النهاردة ماشاء الله وبيلمع.

تعرف على توافق برج القوس مع باقي الأبراج النهاردة:

متوافق مع انتظار الحب ومع الابراج المائية

*****************************************************************************

إعرف حظك اليوم برج الجدي الخميس 3 أغسطس 2017 مع عبدالله أحمد..

الجدى: من 21 ديسمبر إلى 20 يناير

برج الجدي عاطفياً:

طالما مش حاسس نفسك مبسوط ولا لاقي نفسك ف وسط الناس يبقى تنسحب..انما تظهر وتتعامل وتنكد عليهم ف دة غلط كبير هتدفع تمنه بعدين جامد اوي..ف خلي بالك واتصرف بحكمة وعقل ومتزعلش حد منك او ببساطة اختفي وفخد ف البيت براحتك احسن ولا تضايق حد ولا تتضايق من حد

برج الجدي عملياً:

مهما كان الموضوع مغري حاول متفتحش دماغ حد النهاردة..عشان عيب

برج الجدي صحياً:

دافع عن نفسك بشدة ضد الميكروبات..مصرح بإستخدام اي سلاح تختاره ومفيش قواعد إشتباك محددة..براحتك يعني..اللي فيكوا يقدر ع التاني هو اللي هيكسب

تعرف على توافق برج الجدي مع باقي الأبراج النهاردة:

متوافق مع الميكروبات

*****************************************************************************

إعرف حظك اليوم برج الدلو الخميس 3 أغسطس 2017 مع عبدالله أحمد..

الدلو: من 21 يناير إلى 20 فبراير

برج الدلو عاطفياً:

بارتي ف الطريق اليك..يابختك..ياللا حاول تخف بسرعة عشان تعرف تحتفل بمزاج

برج الدلو عملياً:

دلع نفسك انتا وملكش دعوة بحد..اللي عاوز يسقي ف شوربة غباءه هو حر..انتا ملكش دعوة..كل واحد مسئول عن حياته

برج الدلو صحياً:

سوايل كتير ومتتعصبش الا عشان تفتح جيوبك الانفية مش اكتر ومتنساش تاخد الدوا

تعرف على توافق برج الدلو مع باقي الأبراج النهاردة:

متوافق مع كنوز أفكارك الجميلة ومع خيالك السارح الملون الجميل

*****************************************************************************

إعرف حظك اليوم برج الحوت الخميس 3 أغسطس 2017 مع عبدالله أحمد..

الحوت: من 21 فبراير إلى 20 مارس

برج الحوت عاطفياً:

عاوز الخير للناس اللي حواليك ولا عاوز الخير للناس اللي حواليك يبقى عن طريقك وبس؟..دة سؤال مهم تجاوب نفسك عليه النهاردة لو تعرف.. إحتكار حنفية الخير أمر مستحيل يكون منطقي او صح او فيه اي خير اساسا لأي حد..سواء ليهم او ليك

برج الحوت عملياً:

يوم مشرق بس غالبا فيه إجتماعات وكلام كتير مكرر او مش على مزاجك وشبه الرغي الجماعي كدة..ملناش فيه.. عدي اليوم على خير وخلاص

برج الحوت صحياً:

مهم تتغدى غدا مميز النهاردة..هيفرق وهيعدل طاسة نفسيتك بشكل ملحوظ..كمان متنساش قبل ماتنزل تحط برفان مميز ..الجو العام محتاج المرح دة

تعرف على توافق برج الحوت مع باقي الأبراج النهاردة:

متوافق مع مصلحتك وبس

*****************************************************************************

حظك اليوم ممكن يكون موجود وممكن ميكونش موجود..القرار قرارك لوحدك ف حياتك وبس..بس لو اخترنا نشوفه وندور عليه كويس وبإهتمام هنشوف تأثيره في حياتنا طول الوقت ومنقدرش ننكره.. بنشوف ناس مبسوطة وناس لأ.. بنقول على المبسوط حظه حلو وبنتمنى نبقى حظنا من حظه ونبقى مبسوطين زيه وبنتمنى نملك الانبساط دا ونتحكم فيه .. ونستدعيه كمان وقت اللزوم زي جني المصباح..زي الأحلام.. وزي الأماني والخيالات الحلوة.. وقت الضيقة والخنقة والمشاكل والاحتياج اليومي للأمل ف بكرة أفضل وأروق وأجمل وألوانه أحلى..بنتمنى يكون في منطق واسباب للسعادة ممكن تتحط وتتكثف ف كلام بسيط وقريب..

ومن هنا بقى في توقعات حظك اليوم بالاعتماد على حركة الكواكب ومواقع النجوم وعلم الفلك.. محدش ينكر إن كوكب الأرض كله واقع تحت تأثير حركة الكواكب المحيطة وخصوصاً القمر.

ولولا تأثيره مكانش بقى في حركة مد وجزر ومكانش الإنسان عرف يسافر بمراكب في البحر.. ولا كان الإنسان اتحرك من بلد لبلد برضه ف البر لو مكانش في مواقع للنجوم مميزة ف السما يقدر يعتمد عليها..

إفتكر الكلام دا وانت بتقرا حظك اليوم النهاردة وبكرة وكل يوم ياريت ..

وتأكد إنك سواء عجبك الكلام المكتوب هنا في برجك أو لأ فانت تقدر تصنع حظك اليوم بإيديك سواء اليوم أو كل يوم..

الكلام المكتوب هنا دايما الغرض منه الفرفشة والدلع والمزاج الرايق بعلامات حلوة من الحياة محطوطة ف كلام وحبة مزيكا على مزاجك..

تابعنا يومياً عشان تعرف حظك اليوم كل يوم ومتنساش.. كل دة مجرد هزار برئ ياريت متاخدوش على صدرك..

تحياتنا الدائمة.

اعلان حظك اليوم

اعلان حظك اليوم

جميع حقوق النشر محفوظة لدى شركة دوت مصر ويحظر نشر أو توزيع أو طبع أي مادة دون إذن مسبق من الشركة

شكراً لك على زيارتنا لمشاهدة موضوع ابراج اليوم - حظك اليوم الخميس 3 أغسطس 2017 مع عبدالله أحمد..الميزان..ميلك شيك ف الطريق إليك ونتمني ان نكون قد أوفينا في تقديم الخدمة ونود ان نوضحك لك أن خبر "ابراج اليوم - حظك اليوم الخميس 3 أغسطس 2017 مع عبدالله أحمد..الميزان..ميلك شيك ف الطريق إليك" ليس لنا أدني مسؤلية علية ويمكنك ان تقوم بقرائة الخبر من موقعه الاصلي من موقع دوت مصر و سمكنك ان تقوم بمتابعة أخر و أحدث الاخبار عبر موقعنا الافق نيوز دائماً من خلال زيارة الرابط " http://www.alufuqnews.com " او من خلال كتابة " الافق نيوز " فى جوجل وسيتم تحويلك الى موقعنا فوراً ان شاء الله .

 

 

اشترك فى النشرة البريدية لتحصل على اهم الاخبار بمجرد نشرها

تابعنا على مواقع التواصل الاجتماعى

 

اعلانات المحتوي

 

التالى ابراج اليوم - حظك اليوم برج العقرب 9 / 9 / 2017 على الصعيد الصحى والمهنى والعاطفى اهتم بالحبيب أكثر من ذلك