أغلب تصفح للأخبار عبر

الإستفتاءات السابقة

 

 

الاعلان رقم 3
الاعلان رقم 4
الاعلان رقم 5

ابراج اليوم - حظك اليوم السبت 12 أغسطس 2017 مع عبدالله أحمد..العذراء..متركبش موتوسيكلات

 

 

أنت الان تشاهد خبر - ابراج اليوم - حظك اليوم السبت 12 أغسطس 2017 مع عبدالله أحمد..العذراء..متركبش موتوسيكلات
فى موقع - أخبار الافق نيوز
بتاريخ - السبت 12 أغسطس 2017 04:36 صباحاً

دوت مصر الأفق نيوز - رئيس التحرير التنفيذي: هاني رفعت مدير التحرير: عبد الله أحمد 10 Sites

حظك اليوم وتوقعات الأبراج اليوم معانا كل يوم على دوت مصر كل يوم..وخد بالك حظك اليوم هزار من الحياة.. مش أكتر.. ومحدش يملك معلومات كافية ولا بصيرة كافية ولا علم كافي عشان يقولك هتبقى النهاردة كويس أو لأ.. دة دايما متوقف على اختيارك وعلى مزاجك ومودك وظروفك لوحدك.

*******************

:كلام جد

المفروض الواحد يستأذن قبل مايظهر ف أحلام أي حد عن عمد.

عشان تعرف حظك بشكل كامل .. صفي نيتك ودوس على اسم برجك بإيدك اليمين.

إعرف حظك اليوم برج الحمل السبت 12 أغسطس 2017 مع عبدالله أحمد..

الحمل: من 21 مارس إلى 20 ابريل

برج الحمل عاطفياً:

في قلق وفي عدم راحة ف حاجات كتير وواضح انك بتخطط لمصيبة ثري دي..مسيرنا نعرف بتخطط لايه

برج الحمل عملياً:

اللون البينك بيليق عليك طبعا..بس مش بالنهار

برج الحمل صحياً:

حاول متأذيش نفسك النهاردة ف اي تصرف متهور او متسرع او بتعمله بدون تفكير متأني مسبق..خصوصا ف الاكل الدسم..ومتخبيش شيكولاتة ف التلاجة عشان هتتسرق

إعرف توافق برج الحمل مع باقي الأبراج النهاردة

متوافق مع الرغبة ف عمل كارثة

*****************************************************************************

إعرف حظك اليوم برج الثور السبت 12 أغسطس 2017 مع عبدالله أحمد..

الثور : من 21 ابريل إلى 20 مايو

برج الثور عاطفياً:

المود لعوب وجاهز للحب..حاول تتحب النهاردة حبة او تحب ف حد حبة ف التليفون..وبلاش رغي كتير ف الشات..بلاش

برج الثور عملياً:

متلبسش مخطط خالص النهاردة ولا مقلم ولا ابيض ف اسود ولا سبعة من عند الرقبة..إوعاك

برج الثور صحياً:

لو بطلت عند ف نفسك وف اللي حواليك كل حاجة هتبط وتبقى كويسة..ثم محدش بيلغي شخصيتك ولا حاجة بلاش كدب..انتا اللي عاوز كل تفصيلة ف كل حاجة تمشي على مزاجك وبتتقمص من الحياة كتير جدا بدون داعي..المشكلة عندك انتا ياباشا مش عند حد تاني

إعرف توافق برج الثور مع باقي الأبراج النهاردة:

متوافق مع الرغبة ف المرونة والتغيير

*****************************************************************************

إعرف حظك اليوم برج الجوزاء السبت 12 أغسطس 2017 مع عبدالله أحمد..

الجوزاء: من 21 مايو إلى 20 يونيو

برج الجوزاء عاطفياً:

مهم تصور صور حلوة النهاردة طالما مزاجك رايق..على الاقل خمس صور..وميكونوش سيلفي ياريت..بلاش نرجسية وجنان

برج الجوزاء عملياً:

بلا مشاوير بلا هم..اهم حاجة تعمله النهاردة هي انك تنام كويس وتاكل كويس جدا..غير كدة لأ

برج الجوزاء صحياً:

تقعد ف البانيو مع خل تفاح مش اقل من ساعتين النهاردة..هتفتح المسام وهتروق مزاجك وهتقتل اي ميكروب بيحاول يتسلل جوة جلدك وف نفس الوقت هتنعم شعرك اكتر ماهو ناعم..والاهم من كل دة هتحس انك لسة ع الزيرو وطالع طازة من المصنع

تعرف على توافق برج الجوزاء مع باقي الأبراج النهاردة:

لسة متوافق مع القمر

*****************************************************************************

إعرف حظك اليوم برج السرطان السبت 12 أغسطس 2017 مع عبدالله أحمد..

السرطان: من 21 يونيو إلى 20 يوليو

برج السرطان عاطفياً:

منين حساس ومنين بتحدف حبايبك بكلام زي الطوب بذمتك..ولا انتا حساس بس لما تحب تحسس نفسك انك ضحية والناس بتعاملك وحش ولا ايه حكايتك بالظبط

برج السرطان عملياً:

متحكمش على حاجة بسرعة النهاردة وخد وقتك جايز تطلع صح وجايز تطلع غلط..المهم ف الاخر متظلمش حد وخصوصا نفسك

برج السرطان صحياً:

اعزم نفسك على حاجة حلوة النهاردة..كوز درة مثلا وبعده ايس كريم مثلا

تعرف على توافق برج السرطان مع باقي الأبراج النهاردة:

متوافق مع الحساسية بزيادة

*****************************************************************************

إعرف حظك اليوم برج الأسد السبت 12 أغسطس 2017 مع عبدالله أحمد..

الأسد: من 21 يوليو إلى 20 اغسطس

برج الأسد عاطفياً:

بدل انتقاد الناس ياريت تشغل نفسك بعيوبك ولا انتا منزه عن كل نقص واحنا منعرفش مثلا ولا ايه..طيب عرفنا عشان نتنزه معاك حبة ولا احنا ملناش نفس

برج الأسد عملياً:

بلاش نرجسية عشان مش حلوة عشان صحتك النهاردة

برج الأسد صحياً:

حاول تعمل اي خير النهاردة ف حد يستاهله وتواضع كدة وخليك قريب للناس ومتقلبش الشيكولاتة بتاعت حد من الفريزر لتتقفش

تعرف على توافق برج الأسد مع باقي الأبراج النهاردة:

متوافق مع الاحساس بالعظمة

*****************************************************************************

إعرف حظك اليوم برج العذراء السبت 12 أغسطس 2017 مع عبدالله أحمد..

العذراء: من 21 اغسطس إلى 20 سبتمبر

برج العذراء عاطفياً:

متقعدش ف ركن تجتر ف ذكرياتك..لسة قدامك وقت تصنع الاجمل والاحسن منها..قوم ياجدع بلاش كلام فاضي قوم

برج العذراء عملياً:

اليوم مناسب للتصرفات المفيدة وبس..اي تصرف مش كويس وفيه ضرر وانتا عارف انه فيه ضرر ياريت متعملوش

برج العذراء صحياً:

متركبش موتوسيكلات النهاردة خالص

تعرف على توافق برج العذراء مع باقي الأبراج النهاردة:

متوافق مع الابراج المائية والبرمائية

*****************************************************************************

إعرف حظك اليوم برج الميزان السبت 12 أغسطس 2017 مع عبدالله أحمد..

الميزان : من 21 سبتمبر إلى 20 اكتوبر

برج الميزان عاطفياً:

انتا مصدر بهجة لناس كتير جدا حواليك ويمكن انتا نفسك متعرفش الموضوع دة..عيب تبقى مكتئب..عيييب

برج الميزان عملياً:

متفرحش بالانجازات دلوقتي..وقت الاحتفال هييجي بعدين ثم محدش بيحتفل ف الجو اللي كله رطوبة دة اصلا..ركز ف انك تعمل نجاحات ولو صغيرة جدا اليومين دول..غير كدة متشغلش بالك بكلام حد

برج الميزان صحياً:

محتاج تهتم حبة بنفسك وانتا عارف..اهم حاجة متبرقش لحد وتخوفه..بلاش

تعرف على توافق برج الميزان مع باقي الأبراج النهاردة:

متوافق مع الابراج الهوائية والترابية والمائية

*****************************************************************************

إعرف حظك اليوم برج العقرب السبت 12 أغسطس 2017 مع عبدالله أحمد..

العقرب: من 21 اكتوبر إلى 20 نوفمبر

برج العقرب عاطفياً:

سيبك انتا..يقولوا اللي يقولوه عليك..النهاردة انتا برنس ف نفسك ماشاء الله

برج العقرب عملياً:

شياكتك مبهرة النهاردة..بقترح تخرج وتغيظ العالم كله بجمالك وشياكتك

برج العقرب صحياً:

مش معنى انك معقد انك متاكلش كويس..العقد ملهاش دعوة بالاكل..ثم حل عقد كتير بيبقى ف الاكل ودي حاجة معروفة اساسا عشان كدة تلاقي معظم الناس المتسقة مع نفسها كيرفي كدة وماليين مركزهم

تعرف على توافق برج العقرب مع باقي الأبراج النهاردة:

متوافق مع الرغبة الشحتفة وبس..حتى لو كل حاجة جت لحد رجليك..انتا مش عاوزها..انتا عاوز تتشحتف وبس..واضح انك بتتشحتف كفن او نوع من الاستعراض ولا حاجة

*****************************************************************************

إعرف حظك اليوم برج القوس السبت 12 أغسطس 2017 مع عبدالله أحمد..

القوس: من 21 نوفمبر إلى 20 ديسمبر

برج القوس عاطفياً:

وفيها ايه لما تحس انك قصير..المهم ايديك تطول احلامك وبس..ثم اننا كلنا على بعضها قصيرين قدام النجوم ومحدش بيطول يمسكها بايده

برج القوس عملياً:

في حد بيكراش عليك ف السر باين..انا بقترح تستخبى اليومين دول

برج القوس صحياً:

القعدة مع صحابك على القهوة معمولة عشان تنبسطوا سوا مش عشان تحط عليهم بإفيهاتك طول الوقت..حاول متخليش حد يتضايق منك ومن هزارك النهاردة ياريت عشان هتخسر كتير وخصوصا انك هتحتاج نفس الناس دي قريب جدا تقف جنبك وتساعدك..ف متتريقش عليهم وبلاش خفة دم اوفر ياريت

تعرف على توافق برج القوس مع باقي الأبراج النهاردة:

متوافق مع الابراج كلها ومحبوب ماشاء الله

*****************************************************************************

إعرف حظك اليوم برج الجدي السبت 12 أغسطس 2017 مع عبدالله أحمد..

الجدى: من 21 ديسمبر إلى 20 يناير

برج الجدي عاطفياً:

مشاعرك النهاردة ف التلاجة..واضح انك نفسك تاكل وبس اليومين دول

برج الجدي عملياً:

فلوس ف الطريق إليك..جايز حقيقية وجايز ف بنك الحظ

برج الجدي صحياً:

علاقتك بالتلاجة بالليل هتعملك مشاكل لو مخدتش بالك..ثم ركز تاكل حاجات خضرا وفاكهة ومفيدة احسن من اللي بتعمله دة

تعرف على توافق برج الجدي مع باقي الأبراج النهاردة:

متوافق مع الابراج كلها بس ملكش مزاج تبص ف وش حد

*****************************************************************************

إعرف حظك اليوم برج الدلو السبت 12 أغسطس 2017 مع عبدالله أحمد..

الدلو: من 21 يناير إلى 20 فبراير

برج الدلو عاطفياً:

متخشش ف صراعات جانبية مع ناس كومبارسات ف حياتهم اصلا وف حياتك..مش مستاهلة..طالما بتحب يبقى تداري على حبك دة ومن سكات..محدش له فيه ياكابتن..محدش له فيه

برج الدلو عملياً:

انتا مش قاعد تحت مزاج حد مطلقا..انتا بتتحرك طبقا لاحساسك انتا وبس..مهم تكمل تركيز ف شغلك وبنفس الاهتمام والمجهود ومتزهقش من الروتين لأنه قاتل للإكتئاب بالنسبالك..كويس انك لقيت حاجة تستاهل اصلا تقوملها من النوم..مش كدة

برج الدلو صحياً:

صحيا انتا زي القرد..قلقان من ايه بقى

تعرف على توافق برج الدلو مع باقي الأبراج النهاردة:

متوافق زي امبارح مع اي حاجة بتعرف ترقص على واحدة ونص

*****************************************************************************

إعرف حظك اليوم برج الحوت السبت 12 أغسطس 2017 مع عبدالله أحمد..

الحوت: من 21 فبراير إلى 20 مارس

برج الحوت عاطفياً:

متتظاهرش بالعقل على الناس اللي عارفاك كويس وعارفة جنانك وطيشك..مش للدرجة دي ياجدع

برج الحوت عملياً:

متمضيش على اي حاجة من غير تفكير متأني..خد وقتك ومتستعجلش خالص مالص

برج الحوت صحياً:

عشان تفك العمل اللي معمولك لازم تقعد يومين على الاقل مبتلقحش بالكلام على حد..تفتكر هتقدر؟

تعرف على توافق برج الحوت مع باقي الأبراج النهاردة:

متوافق مع الرغبة ف المرازية ف المطلق وبس

*****************************************************************************

حظك اليوم ممكن يكون موجود وممكن ميكونش موجود..القرار قرارك لوحدك ف حياتك وبس..بس لو اخترنا نشوفه وندور عليه كويس وبإهتمام هنشوف تأثيره في حياتنا طول الوقت ومنقدرش ننكره.. بنشوف ناس مبسوطة وناس لأ.. بنقول على المبسوط حظه حلو وبنتمنى نبقى حظنا من حظه ونبقى مبسوطين زيه وبنتمنى نملك الانبساط دا ونتحكم فيه .. ونستدعيه كمان وقت اللزوم زي جني المصباح..زي الأحلام.. وزي الأماني والخيالات الحلوة.. وقت الضيقة والخنقة والمشاكل والاحتياج اليومي للأمل ف بكرة أفضل وأروق وأجمل وألوانه أحلى..بنتمنى يكون في منطق واسباب للسعادة ممكن تتحط وتتكثف ف كلام بسيط وقريب..

ومن هنا بقى في توقعات حظك اليوم بالاعتماد على حركة الكواكب ومواقع النجوم وعلم الفلك.. محدش ينكر إن كوكب الأرض كله واقع تحت تأثير حركة الكواكب المحيطة وخصوصاً القمر.

ولولا تأثيره مكانش بقى في حركة مد وجزر ومكانش الإنسان عرف يسافر بمراكب في البحر.. ولا كان الإنسان اتحرك من بلد لبلد برضه ف البر لو مكانش في مواقع للنجوم مميزة ف السما يقدر يعتمد عليها..

إفتكر الكلام دا وانت بتقرا حظك اليوم النهاردة وبكرة وكل يوم ياريت ..

وتأكد إنك سواء عجبك الكلام المكتوب هنا في برجك أو لأ فانت تقدر تصنع حظك اليوم بإيديك سواء اليوم أو كل يوم..

الكلام المكتوب هنا دايما الغرض منه الفرفشة والدلع والمزاج الرايق بعلامات حلوة من الحياة محطوطة ف كلام وحبة مزيكا على مزاجك..

تابعنا يومياً عشان تعرف حظك اليوم كل يوم ومتنساش.. كل دة مجرد هزار برئ ياريت متاخدوش على صدرك..

تحياتنا الدائمة.

اعلان حظك اليوم

اعلان حظك اليوم

جميع حقوق النشر محفوظة لدى شركة دوت مصر ويحظر نشر أو توزيع أو طبع أي مادة دون إذن مسبق من الشركة

شكراً لك على زيارتنا لمشاهدة موضوع ابراج اليوم - حظك اليوم السبت 12 أغسطس 2017 مع عبدالله أحمد..العذراء..متركبش موتوسيكلات ونتمني ان نكون قد أوفينا في تقديم الخدمة ونود ان نوضحك لك أن خبر "ابراج اليوم - حظك اليوم السبت 12 أغسطس 2017 مع عبدالله أحمد..العذراء..متركبش موتوسيكلات" ليس لنا أدني مسؤلية علية ويمكنك ان تقوم بقرائة الخبر من موقعه الاصلي من موقع دوت مصر و سمكنك ان تقوم بمتابعة أخر و أحدث الاخبار عبر موقعنا الافق نيوز دائماً من خلال زيارة الرابط " http://www.alufuqnews.com " او من خلال كتابة " الافق نيوز " فى جوجل وسيتم تحويلك الى موقعنا فوراً ان شاء الله .

 

 

اشترك فى النشرة البريدية لتحصل على اهم الاخبار بمجرد نشرها

تابعنا على مواقع التواصل الاجتماعى

 

اعلانات المحتوي

 

السابق ابراج اليوم - صور انسى 18.. Game of thrones بنكهة ديزني
التالى ابراج اليوم - حظك اليوم برج الجدى 1/ 8/ 2017 على الصعيد الصحى والمهنى والعاطفى ستقابل شخصا مثاليا